Медени мафини со овесни снегулки, јаболка и цимет • Сè за храна

Вкусни, крцкави, сочни и медени – овие мафини со овесни снегулки, јаболка и цимет се супер десерт кој се приготвува лесно и брзо. Идеални се за појадок или слатка ужинка, и одличен избор кога ви се јаде нешто благо, здраво и вкусно!

Иако малку се разликуваат во споредба со стандардните мафини од брашно, сепак се декоративни и симпатични. А рецептот може да се прилагодува по вкус и желба на целото семејство! Може да ги додавате омилените јаткасти плодови, суво, свежо или замрзнато овошје. Па, во зависност од состојките кои ќе ги додадете варира и бројот на мафини (20-24) кој ќе го добиете.

Состојки:

2 поголеми јајца
¼ чаша растопен путер
¼ чаша ливадски мед од Рес-Ком
½ лажичка сол
1 лажичка прашок за печиво
2 лажички цимет
2 лажички ванилин шеќер
2 лажици кафеав шеќер
2 лажици ленено семе
115 г пире од јаболка (во замена може да се користи динстувано рендано јаболко)
1 свежо рендано јаболко
1¼ чаша млеко
3 чаши овесни снегулки
¼ – ½ чаша сечкани ореви по желба
¼ – ½ чаша суво овошје по желба
¼ – ½ чаша свежо или замрзнато овошје по желба.

Подготовка:

Во длабок сад ставете ги јајцата, растопениот путер, медот, солта, прашокот за печиво, циметот, ванилиниот и кафеавиот шеќер, лененото семе, пирето од јаболка, свежото рендано јаболко и млекото. Добро измешајте за да се соединат состојките.
Потоа додајте ги овесните снегулки, оревите и сувото овошје. Добро промешајте.
Доколку сакате да додадете свежо или замрзнато овошје, ставете го на крај во смесата за мафини и нежно промешајте неколку пати.
Вака подготвената смеса оставете ја да отстои околу 30 минути на собна температура со цел да омекнат овесните снегулки.
Хартиените корпички ставете ги во калапите за мафини. Во секоја корпичка ставете по ¼ или 1/3 чаша од подготвената смеса.
Мафините печете ги во претходно загреана рерна на 180 степени околу 15-20 минути додека поруменат.
Печените мафини со овесни снегулки извадете ги од калапите и наредете ги на решеткава подлога за да се изладат.
Може да ги послужите веднаш или да ги чувате во херметички сад или ќеса во фрижидер околу 3-4 дена. На здравје!

Препорака од нас:

За најслатки медени мафини, наш избор се медовите на Рес-Ком. Уживајте во слаткиот вкус и користете ги придобивките од природата! – Нивната палета изобилува со различни врсти на мед и навистина може да избирате по свој вкус и желба. Може да си купите ливадски, планински, цветен, липов, дабов мед, диет мед, мед од багрем… Ако сакате да дознаете повеќе за нив, посетете ја нивната фан страница Res-Kom Resen, нивниот инстаграм профил или контактирајте ги на телефонот 047 452 489. За крај, припремете ги состојките, испечете ги мафините и уживајте со најблиските!