Ако ви досадил класичниот начин на приготвување на ориз, време е да го пробате го нашиот нов рецепт. Интересна комбинација од ориз, брокула, морков, целер и куркума за екстра вкус, по предлог од Катерина.
Потребно ви се малку време и неколку состојки за да направите вкусен специјалитет. Пробајте го овој ориз со брокула и уверете се во фантастичниот вкус.
Состојки:
- 200 грама ориз
- 2 свежи мисиркини колбаси (по желба)
- 120 грама брокула
- 1 главица сечкан кромид
- 1 рендан морков
- 1 помало сечкано стебленце целер
- 1 црпалка зеленчукова супа
- 1 лажица сечкан магдонос
- 1/4 лажичка куркума
- По потреба масло, мешан сув зачин, црн пипер.
Подготовка:
- Оризот сварете го и исцедете го убаво од водата.
- Во тава на оган ставете масло и додајте ги сечканиот кромид, сечканиот целер, ренданиот морков и цветовите брокула. Откако состојките ќе се запржат додајте ги колбасите исчкани на мали парчиња. Пропржете ги колбасите, па додајте ја супата и оставете на тивко да прокрчка.
- Откако супата ќе изврие додајте го сварениот ориз, сечканиот магдонос и куркумата. Приготвениот ориз со брокула зачинете со мешан сув зачин и црн пипер, измешајте и послужете со свежа салата. На здравје!
Рецептот го испратил: Катерина Милошевска Глигороска.
Ви предлагаме да прочитате: Ориз со зеленчук и мелено месо.