Печени кременадли во сос од вино • Сè за храна

Се прашувате која е тајната за подготовка на кременадли во сос кои ги служат во рестораните? – Пробајте го нашиот лесен и брз рецепт со кој ќе може да подготвите совршенo печени кременадли во сос од вино кои се идеални за секакви пригоди и убави семејни мигови со најблиските. И што е најважно, подготовката е толку едноставна, па ќе се снајдат и помалку искусните домаќинки.

За да подготвите сочни кременадли потребни ви се само добро избрани парчиња свежо месо, желба за готвење и проверен рецепт. А ние ви гарантираме дека со овој рецепт совршениот вкус е неизбежен, а уживањето во ручекот – загарантирано!

Состојки:

5 свински кременадли од Агриа (околу 1 кг)
7-8 лажици брашно
сол и црн пипер по вкус
масло по потреба
1/2 до 1 главица кромид
2 чешниња лук
1 телешка коцка за супа
½ литар жешка вода
100 мл бело вино
2-3 ловорови листови.

Подготовка:

Од кременадлите отстранете ги коските, измијте ги и избришете ги со кујнска хартија. Потоа исчукајте ги со чекан за месо, посолете ги со сол и црн пипер, па посипете ги со брашно.
Вака подготвените кременадли кратко пржете ги во длабока тава со загреано масло додека добијат убава боја.
Откако ќе се испржат ставете ги во сад за печење, прелијте ги со масло и зачинете ги со ловорови листови.
Во тавата во која се пржеа кременадлите, додајте ги сечканите кромид и лук и кратко пропржете ги. Штом кромидот порумени додајте 3-4 лажици брашно.
Во ½ литар врела вода додајте ја коцката за супа. Течноста ставете ја во тавата со лукот и кромид. Мешајте со жица за матење додека се згусти сосот. Потоа тргнете го од огнот и додајте го виното. Повторно измешајте.
Сосот додајте го во тавата со кременадлите. Садот за печење поклопете го со капак или прекријте го со алуминиумска фолија.
Печете во претходно загреана рерна на 180 степени околу 45 минути. Потоа тргнете го капакот/фолијата и продолжете со печењето уште 10 минути.
Вака подготвените кременадли сервирајте ги со ориз или некој друг прилог по желба. На здравје!

Наша препорака:

За да бидете сигурни дека ќе одберете квалитетни и секогаш свежи кременадли ви препорачуваме да ги посетите месарниците на Агриа во Велес, Битола и Штип или да го побарате нивното свежо месо во Тинекс и Рамстор маркетите. Ние сме долги години го користиме месото на Агриа и сме задоволни потрошувачи. Услужливиот персонал, квалитетното месо од домашно производство се наш мотив и прв избор. Од Агриа имаат свои фарми, кланица и фабрика за производство на сточна храна која доаѓа од македонските полиња. За сите новости, посетете ја веб страницата на Агриа и следете ги на нивната фан страница на Facebook.