маринирани пилешки копани 1

Печени пилешки копани со лук и сенф

Од најкористените состојки направете вкусни печени пилешки копани! Се прават толку едноставно, што и помалку искусните готвачи ќе може да ги подготват со леснотија. Ако обожавате пилешко месо, ова е вистинскиот рецепт за вас.

Подготвени а овој начин, пилешките копани се сочни, вкусни и крцкави. А, додека се печат, мирисот од кујната се шири низ целиот дом, па со нетрпение ќе чекате да се испечат. Единствената тајна е што подолго маринирање. Само следете ги чекорите и нема да згрешите ништо во подготовката.

маринирани пилешки копани 2

Состојки:

За маринада:

  • 1/8 чаша маслиново масло
  • 2 истолчени чешниња лук
  • 2 лажици ситно сечкан свеж магдонос
  • 1,5 лажици сок од лимон
  • 1 лажица сенф
  • ½ лажица сол
  • ½ лажичка црн пипер.

Подготовка:

  1. Најпрво започнете со припрема на маринадата. Во длабок сад ставете ги состојките потребни за маринада. Измешајте.
  2. Во друг сад ставете ги пилешките кратки копани. Врз копаните ставете ја маринадата. Убаво измешајте за рамномерно да се распореди маринадата. Садот покријте го со најлонска фолија и ставете го во фрижидер. За добро да се маринира месото, оставете го барем 6 часа, или најдобро преку ноќ. За време на маринирањето измешајте еднаш.
  3. Загрејте ја рерната на 200 степени. Извадете ги кратките копани од фрижидер и оставете ги на собна температура додека се загрева рерната.
  4. Тавата обложете ја со хартија за печење. Пилешкото месо наредете го врз хартијата со кожата надолу. По желба премачкајте го со останатата маринада.
  5. Печете 50 минути. По 25 минути од печењето, свртете ги копаните од другата страна и продолжете со печење. Декорирајте со магдонос и послужете со свежа салата.

Наша препорака:

Набавете пилешки кратки копани од Слога и направете супер вкусен ручек. Од Слога имаат и други производи: пилешки стек, пилешки копани без коскапилешки копан со наткопанпиле, пилешки крилца… Посетете ја веб страницата или Facebook фан страницата на Слога и разгледајте подетално кои производи ги нудат!

пилешки копани од Слога

Ви препорачуваме да прочитате: Печени пилешки копанчиња од крилца со пикантен Бафало сос.

Следете ја sezahrana.mk и на Instagram и Pinterest.

*Спонзориран рецепт.

Сподели: