Печени пилешки копанчиња во кремаст сос

Печени пилешки копанчиња во кремаст сос

Сочни печени пилешки копанчиња во кремаст сос, дали сте пробале ваков специјалитет? Ако вашиот одговор е Не, тогаш ви препорачуваме да го направите и дегустирате што поскоро. Нема да ви одземе многу време, а потребен ви е само еден сад за подготовка. Звучи совршено, зарем не?!

Едноставен и вкусен ручек кој се подготвува само во еден сад е сон на секоја домаќинка. Лимонот и лукот му даваат посебен вкус и арома на јадењето, па нашиот рецепт за печени копанчиња во кремаст сос ќе стане омилен на сите во семејството.

Печени пилешки копанчиња во кремаст сос

Состојки:

  • 5-6 парчиња пилешки копанчиња од Слога
  • 1 лажичка сол
  • ¼ рендана кора од лимон
  • 3 лажици путер
  • 2 лажици масло
  • 3 чешниња ситно сечкан лук
  • 1/2 чаша пилешки бујон
  • 1 чаша неутрална павлака за готвење
  • 1/2 чаша пармезан
  • 1/4 чаша свеж сок од лимон
  • неколку свежи листови од мајчина душица
  • 150 г спанаќ.

Подготовка:

  1. Пуштете ја рерната да се загрева на 200 степени.
  2. Ставете ги копанчињата во сад и додајте ја солта и кората од лимон. Убаво измешајте и оставете го садот настрана.
  3. Во тава на оган (на средно висока температура) ставете 2 лажици масло и путерот. Откако путерот ќе се растопи ставете ги претходно припремените копанчиња, со кожата надолу и пржете ги 3-4 минути. Потоа, завртете ги од другата страна и пржете ги  додека поруменат. Пржените копанчиња извадете ги во посебен сад и тргнете ги на страна.
  4. Во тавата на оган додајте уште 1 лажица путер да се растопи. Додајте го ситно сечканиот лук и кратко пропржете го (1-2 минути). Потоа, додајте го пилешкиот бујон, неутралната павлака, пармезанот, лимоновиот сок и мајчината душица. Промешајте за состојките да се соединат и оставете да зоврие.
  5. Откако ќе зоврие, намалете ја температурата и оставете го сосот да вари додека се згусти (околу 5 минути). Во сосот додајте ги и листовите спанаќ. Измешајте и тргнете ја тавата од оган.
  6. Копанчињата вратете ги во тавата со сос и ставете ги да се печат во претходно во загреана рерна околу 25 минути.
  7. Печените копанчиња сервирајте ги со гарнир по желба, декорирајте со парчиња лимон и мајчина душица по желба и послужете. На здравје!

Совети плус:

  • Вака припремените копани можете да ги послужите со ориз, тестенини, пире или печени компири.
Печени пилешки копанчиња во кремаст сос

А ако сакате да го подобрите кулинарското знаење и искуство за подготовка на пилешко месо ви препорачуваме да прочитате: 7 совети за подготовка на сочни копани.

Следете ја sezahrana.mk и на Instagram и Pinterest.

*Поддржан рецепт.

Сподели: