Посни кокос бомбици без шеќер за 10 минути 1

Посни кокос бомбици без шеќер за 10 минути

Освежителен десерт кој ќе го освои семејството, пријателите и друштвото! Тропскиот вкус се постигнува многу едноставно, па вака припремените посни кокос бомбици се идеално добри. Ќе уживате во светот на вкусовите!

Лесно и брзо е наш императив. За помалку од 30 минути ќе добиете 20 бомбици. Кој и да ги проба ќе го пофали вашиот труд!

Посни кокос бомбици без шеќер за 10 минути 2

Состојки:

  • 2 поголеми зрели банани
  • 50 грама кокос од Витаминка
  • 1 рамно лажиче цимет од Витаминка
  • 1/2 чаша поситни овесни снегулки или уште подобро измелени во мелница.

За валање/декорирање:

  • кокос од Витаминка по потреба (околу 50 грама).

Подготовка:

  1. Бананите излупете ги и испасирајте ги со помош на кујнска лажица или со виљушка.
  2. Во садот со бананите додајте го кокосот и измешајте.
  3. Циметот распоредете го добро по целата површина на смесата и повторно измешајте.
  4. На крај, додајте ги и овесните снегулки и убаво соединете ја целата смеса.
  5. Од смесата, со помош на рацете оформете бомбици и веднаш по оформувањето извалајте ги во кокос.
Посни кокос бомбици без шеќер за 10 минути 3

Совет плус: За валањето да ви оди лесно, кокосот ставете го во подлабок сад и внимателно вртете ги бомбиците.

Ви препорачуваме да прочитате: Посни бомбици со кокос и пудинг.

*Спонзориран рецепт.

Следете ја sezahrana.mk и на Instagram и Pinterest.

Сподели: