Медитерански вкус за совршено уживање во храната! Ако салатите со туна ви се едни од омилените, ви предлагаме нов рецепт. Пробајте ја оваа вкусна салата со туна и марула, дополнета со вкусот на варени компири, јајца, домати, маслинки, зачинета со маслиново масло, оригано и свеж сок од лимон.
Оваа салата со туна и марула може да ја послужите во комбинација со ручекот или како главен оброк. Наведените состојки во рецептот се доволни за 4 порции.
Состојки:
- 1 марула
- 1 конзерва туна од 185 грама
- 2 варени компири со средна големина
- 2 варени јајца
- 2 домати
- 15 до 20 зелени и/или црни маслинки
- 100 грама варена боранија по желба
- рукола за декорација.
За прелив:
- 30 мл свежо цеден сок од лимон
- 30 мл маслиново масло
- ½ до 1 чешне ситно сечкан лук по желба
- оригано по вкус
- сол и црн пипер по вкус.
Подготовка:
- Марулата исечете ја на поголеми парчиња. Варените компири и доматите исечете ги на осмини.
- Јајцата исечете ги на тенки ленти.
- Во мал длабок сад ставете го сокот од лимон, маслиново масло, лукот, ориганото, солта и црн пипер. Измешајте ги состојките за преливот.
- Во четири чинии распоредете ја сечканата марула. Врз неа ставете ги сечканите компири, домати и јајца. Маслинките и боранијата распоредете ги врз салатата. Во средината ставете ја исцедената туна од маслото. Над туната ставете листови рукола.
- Врз салатата нанесете од приготвениот прелив. Посолете по вкус. На здравје!
Ви предлагаме да прочитате: Посна салата со туна, ориз и маслинки.