Сочно свинско месо со печурки и вино • Сè за храна

Ги имаме најубавите идеи и рецепти за новогодишните празници! Вкусни јадења и богата трпеза за успешен старт на Новата година. Празниците се идеално време за дегустација и подготовката на нови рецепти, убави моменти со семејството и спомени кои долго ќе траат. Направете сочно свинско месо со печурки и вино, и забавата може да започне!

Тајната на овој специјалитет се крие во маринадата, ароматичните ноти и подготовката на умерена температура. А несекојдневната комбинација ќе ги воодушеви сите гурмании. Ајде да започнеме!

Состојки:

500 г свински бут од Агриа
1 главица кромид
1 морков
200 г печурки
масло
70 мл црвено вино
½ лажица мешан зачин
1 лажичка црвен пипер
сол и црн пипер по вкус
2 лажици доматно пире
2 лажици свеж магдонос
2 чешниња лук.

За маринада:

½ лажица мед
2 лажици вотка или друг жесток пијалак по избор
½ лажичка мелен црн пипер
½ лажичка ким
½ лажица соја сос
½ лажичка кари.

Подготовка:

Прво подгответе ја маринадата. Во помал сад ставете го медот, додајте ја вотката и измешајте. Потоа додајте ги зачините и соја сосот и повторно измешајте.
Месото исечкајте го на парчиња со големина по желба. Ставете го во сад и прелијте го со маринадата. Убаво измешајте, покријте го садот и оставете го во фрижидер два часа.
Кромидот исечкајте го на кругови. Шампињоните исечете ги на подебели ленти. Морковот изрендајте го на крупната страна од рендето.
Во тенџере на оган ставете масло да се загрева. Додајте го месото и кратко пропржете го.
Оставете го месото да се динстува во полупокриен сад на средна температура. Откако месото ќе омекне, додајте го исечканиот кромид и промешајте.
Кога кромидот ќе омекне, додајте ги шампињоните и ренданиот морков.
Динстувајте околу пет минути, а потоа ставете ги зачинете со црвен пипер, мешан зачин и црн пипер.
Додајте го црвеното вино и динстувајте додека да испари течноста.
Во друг сад разредете го доматното пире со малку вода. Додајте лук и магдонос. Измешајте и додајте го во садот со месото. Варете уште 2-3 минути.
Готово месо декорирајте го со свеж магдонос по желба и послужете го. На здравје!

Наша препорака:

Ви се допадна рецептот и сакате да го подготвите? Дали сакате да ви откриеме една тајна која ќе ви помогне да направите одличен ручек? – Тајната се крие во изборот на квалитетно парче месо и добра маринада. Кога станува збор за свежото свинско месо ги препорачуваме Агриа. Во нивните месарници во Битола, Штип и Велес, како и во Тинекс и Рамстор маркетите секој ден може да најдете свежо месо од домашно производство кое се должи на принципот „од нива до трпеза“. Долгогодишното искуство и постојаниот квалитет ги прават Агриа еден од најдобрите македонски производители на свинско месо.