Покрај благите рецепти со белки еве еден предлог како да ги искористите белките и во солена варијанта. Многу вкусен, а уште повеќе симпатичен и привлечен за очите шарен солен колач!
Формата може да ја менувате ако посакате, а вкусот е гарантирано добар и препорачуваме да го пробате.
Состојки:
- 6 белки
- 120 мл млеко
- 100 мл масло
- 250 гр брашно
- 80 гр шунка или салама
- 80 гр сирење
- 80 гр варен морков
- 80 гр грашок
- 5-6 црни маслинки
- прстофат сол
- 1 ќесичка прашок за печиво.
Подготовка:
- Шунката, морковот и сирењето исечкајте ги на малечки коцки.
- Маслинките исчистете ги од семките.
- Правоаголен калап со димензии 30 х 11 намачкајте го со путер или маргарин и посипете го со брашно.
- Рерната вклучете ја да се загрева на 180 степени.
- Белките со прстофат сол изматете ги во снег. Потоа исклучете го миксерот и додајте ги млекото и маслото и измешајте ги со жица или голема лажица или шпатула. Потоа додајте го брашното и пецивото просеани низ сито и убаво измешајте со шпатула. Сега додајте ги и останатите состојки, шунката, сирењето, морковот, грашокот и маслинките. Додајте и малку сол по вкус, зависно колку ви е солено сирењето.
- Измешајте ја смесата да се изедначи, турете ја во калапот и порамнете ја со лажица. Ставете го да се пече околу 35-40 мин и 5-6 мин во исклучена рерна.
- Печенит солен колач послужете го откако ќе олади.
- Колачот е декоративен, вкусен и останува мек и 3-от ден.
- Колачот може да се пече и во помало плехче, да се сече на коцки и да се декорира со кисела павлака и зеленчук по желба.
Рецептот го испратил: Невена Ѓероска.
Ви препорачуваме да прочитате: Солен колач со шампињони.