Интересното за овој солен колач со шампињони и уште неколку други додатоци кои му овозможуваат фантастичен вкус, е тоа што може да се јаде како предјадење во домашна атмосфера или пак да го понесете со себе на некоја прошетка или на работа.
Вкусот е полн и предизвикува големо уживање и позитивни дегустативни сензации. Симпатичен и одличен во секој смисол, треба да се проба!
Состојки:
- 260 гр печурки (шампињони)
- 3 јајца
- 100 мл млеко
- 80 мл масло
- 100 гр шунка
- 100 гр јако сирење
- 50 гр кашкавал
- 1/2 главица ситно сечкан кромид
- 3-4 лажици магдонос
- 200 гр брашно
- 1 ќесичка прашок за печиво
- на врв од мало лажиче сода бикарбона
- сол и црн пипер по потреба.
Подготовка:
- Печурките исецчкајте ги на половина, или на три парчина, а ако се помали може и да ги оставите цели.
- Во тава со 3-4 лажици масло малку пропржете го кромидот исечкан на ситни коцки, потоа додајте ги печурките, посолете и оставете да се пржат додека течноста испари. Оставете ги да изладат.
- Во сад ставете ги јајцата, млекото, маслото и со жица убаво изматете ги.
- Додајте ги шунката, сирењето, кашкавалот исечкани на коцки, изладените печурки, исечканиот магдонос и на крај брашното измешано со печивото, содата и малку црн пипер.
- Смесата измешајте ја со лажица и ставете ја во правоаголен калап (30х10) или во куглоф кој претходно е намачкан со путер и посипан со брашно.
- Печете на температура од 170-180 степени, за време од околу 40 минути.
Рецептот го испратил: Невена Ѓероска.
Ви препорачуваме да прочитате: Солен колач со црвени пиперки и домати.