Пробајте го нашиот брз специјалитет шпагети со сос од говедско месо и откријте колку е голема вашата кулинарска креативност. Несекојдневен е и затоа е малку поинтересен од останатите рецепти!
Овој пат ќе ви предложиме комбинација од состојки, а нивните дози ќе ги оставиме на вашата потреба и вкус по желба, секој на свој начин. Домаќинките кои секојдневно приготвуваат разни јадења посебно ќе уживаат во ваквиот предлог, а најубаво е кога некоја идеја ќе ја надополните со нешто свое и по вкус на домашните, за кои всушност со љубов готвиме сите. Состојките ќе ги прочитате подолу во текстот, а количината прилагодете ја на семејните вкусови и потоа уживајте заедно во секое залче!
Состојки:
- шпагети
- мелено говедско месо
- кромид
- моркови
- домати
- кашкавал
- зачини (оригано, босилек, сол, црн пипер).
Подготовка:
- Најпрво сварете ги шпагетите, па исцедете ги од течноста (еве како може да ја искористите).
- Меленото говедско месо заедно со ситно исечканиот кромид ставете го во тава на оган и со малку загреено масло и запржете го. Повремено мешајте.
- Во тавата додајте ги и исечканите моркови и домати, па оставете да се подинстаат сите заедно, при што не треба да заборавите да промешате за да не запечат состојките.
- Додајте ги зачините (оригано, босилек, сол, црн пипер) и измешајте ја смесата.
- Во секоја чинија сервирајте најпрво шпагети, а потоа додајте од сосот и додека е топол нарендајте кашкавал.
Се надеваме ќе уживате како и ние, на здравје!