Има ли доволно селен во храната? Дефицит, препорачани дози и извори 1

Има ли доволно селен во храната? Дефицит, препорачани дози и извори

За да не го доведеме нашето тело во дефицитарна состојба треба постојано да го снабдуваме организмот со храна богата со минерали  и витамини, а сепак треба да се избегнува и нивна претерана консумација (вообичаено во вид на суплементи) бидејќи во некои случаи може да се појават токсични ефекти. Во следниот текст прочитајте за тоа, кои се препорачаните дневни дози за внес на селен и во која храна најмногу е застапен овој минерал.

Кога и зошто се јавува дефицит?

Кај здравите луѓе, дефицитот (недостатокот) на селен скоро и да не се појавува. Но, кај лица кои боледуваат од одредени болести како на пример: ХИВ позитивни лица, лица со Кронова болест или лица со други болести каде е нарушена апсорпцијата на хранливите материи, може да се појави недостаток. Нарушувањата кои се јавуваат како резултат на дефицит на одреден минерал, се јавуваат кога недостатокот е во поголема мера, така што ние можеби примаме не доволно ниски количини за да доживееме симптоми на дефицит, но и не доволно високи за да го искористиме целиот негов здравствен потенцијал.

deficit dozi selen 2

Препорачани дневни дози за внес на селен

Препорачана дневна доза на селен варира според возраста, а еве подетален преглед:

  • Деца 1-3 години, 20 микрограми на ден
  • Деца 4-8 години, 30 микрограми на ден
  • Деца 9-13 години, 40 микрограми на ден
  • Возрасни и деца над 14 години, 55 микрограми на ден
  • Бремени жени, 60 микрограми на ден
  • Доилки, 70 микрограми на ден.

Која храна е богата со селен?

  • Бразилски ореви: 1 шолја бразилски ореви содржи дури 607 микрограми селен што претставува 11 пати поголема количина од дневната препорачана доза!
  • Јајца: едно средно големо јајце содржи околу 146 микрограми селен, што претставува 2,6 пати поголема количина од дневно препорачаната.
  • Семки од сончоглед: 1 шолја семки од сончоглед содржат околу 190 микрограми селен, што претставува 1,9 пати поголема количина од дневно препорачаната.
  • Во 100 гр туна се содржат 75 микрограми селен – задоволува 116% од дневно препорачаната доза.
  • Во 100 гр пилешки гради се содржат 39 микрограми селен, што задоволува 58% од дневните потреби за селен.
  • Во 100 гр црн дроб (јагнешки) се содржат околу 116 микрограми селен, што претставува 1,8 пати поголема количина од дневно препорачаната.

Овошјето и зеленчукот вообичаено не содржат големи количини од овој минерал.

Автор: Маја Веловска.

Ви предлагаме да прочитате: Селенот е важен минерал за најмалку 7 здравствени потреби.

Сподели: