Каранфилите се симбол на „Денот на жената“ и без нив овој ден не би бил тоа што е. Ако сакате на вашите драги жени, мајки, баби и колешки да им подарите цветови кои нема никогаш да овенат, тогаш направете букет со каранфили од салфетки. Овој букет не бара некои посебни вештини или материјали, а изгледа совршено и сигурно ќе ја израдува секоја жена која ќе го добие.
Постапката за изработка на декоративните каранфили е едноставна и истата е прикажана на следното видео. На вас останува само да ги следите инструкциите и да ја израдувате вашата мајка, баба, жена или пријателка.
Потребни материјали:
- салфетки (3 за секој цвет)
- маркери во боја по желба
- ножици
- зелена изолир трака
- стебленца од вештачки цветови (за букет)
- конец.
Начин на изработка:
- Салфетките одвиткајте ги и пресечете ги со ножици на половина, а потоа со маркер во боја по ваша желба обојте ги нивните рабови.
- Потоа превиткајте ги салфетките во облик на хармоника, така што ќе ги превиткувате по еден см напоредно од двете страни се додека целосно не ги довиткате.
- Вака превитканите салфетки на средината подврзете ги со конец, така што таа ќе добиете салфетка со изглед на панделка.
- Потоа внимателно повлечете го секој слој на салфетките кон центарот. Повторувајте ја постапката додека не дојдете до последниот нејзин слој, а потоа направете го истото и со другата страна.
- Со помош на прсти обликувајте ја посакуваната форма на каранфилите, а потоа со зелена изолир трака прицврстете ги на стебленцата од вештачките цветови.
- Повторувајте ја постапката додека направите онолку цветови колку што сакате. На крај спојте ги во букет.
Ви препорачуваме да прочитат: Направи сам: роза од салфетка.