Празничната трпеза е срцето на секое семејно собирање, а главното јадење секогаш ја има најважната улога. Овој ролован свински бут е создаден токму за тие моменти – свечен, богат и впечатлив. Сочно месо, ароматичен фил од печурки и растопен кашкавал, обвиткани со крцкава сланина и заокружени со пикантна глазура, го прават овој рецепт вистинска ѕвезда на празничната трпеза.
Финалната глазура од сенф, соја сос и чили сос му дава сјајна кора и благ пикантен шмек, што го прави идеален избор за свечени ручеци и семејни празници.

Состојки:
- 1 свински бут од Агриа околу 1 кг
- 1 лажичка сол
- ½ лажичка мелен црн пипер
- ½ лажичка лук во прав
- 1 лажичка црвен пипер
- 1 лажичка оригано
- 6 листиви салама (100 г)
- 150 – 250 г маринирани исцедени и сечакни шампињони
- 150 г моцарела или кашкавал по избор
- 6 ленти чадена сланина (150 г) од Агриа.
За глазурата:
- 1 лажица сенф
- 1 лажичка соја сос
- 1 лажичка чили сос
- Малку маслиново масло.
Подготовка:
- Свинскиот бут расечете го по должина (како книга) и исчукајте го за да добиете рамномерна дебелина.
- Во мал сад измешајте ги зачините и рамномерно распоредете ги врз месото, нежно втријувајќи ги.
- Наредете ги листовите салама, печурките и ренданиот кашкавал, па внимателно завиткајте го месото во ролат.
- Во тава ставете алуминиумска фолија, врз неа хартија за печење, па поставете го ролатот и накрсно наредете ја сланината. Завиткајте добро.
- Печете во загреана рерна на 200°C околу 60 минути.
- Извадете го ролатот, внимателно отворете ја фолијата и хартијата.
Во мал сад измешајте ги состојките за глазурата и премачкајте го ролатот.
Вратете го во рерна уште 10–15 минути, непокриен, за да добие златна и сјајна кора. - Пред сервирање, оставете го да одмори 10 минути, декорирајте со свеж рузмарин и лимон, исечете и послужете топло. На здравје!
Совети од авторот
- Оставете го ролатот да „одмори“ пред сечење – така ќе остане сочен.
- За поинтензивна боја, последните неколку минути кратко вклучете го горниот греач.
- Совршено се комбинира со печени компири, пире или свежа салата.
Препорака од кујната
Во овој рецепт се користени свински бут и чадена сланина од Агриа, познати по висококвалитетно месо од домашно производство. Свежината и текстурата на месото се клучни за ролат кој ќе ја украси секоја празнична трпеза.
Посетете ги месарниците на Агриа во Битола, Штип и Велес или пронајдете ги нивните производи во маркетите Тинекс, Рамстор и Кит-Го.

Испробај и други празнични рецепти:
- Брзи лиснати ролнички со колбаси
- Празнична топка од крем сирење со сланина
- Кременадли во сос од печурки
Погледни уште празнични идеи и заследи ме:
- Instagram – @kocovska.marija
- Facebook – Marija Kocovska
- YouТube – Marija Kocovska
- TikТok – @marija.kochovska.
*Рецептот е поддржан од Агриа.
