Ако посакувате посебно впечатлива декорација на вашата трпеза за некоја свеченост или било каков убав повод, пробајте да направите ружа од тиквичка. Тоа е интересен начин за да ги испробате своите вештини и да ја подобрите креативноста во кујната и сервирањето на храната.
Креирањето на декоративен производ од храна која се јаде е голем предизвик, затоа што го поттикнува нашиот ум на храната да гледа на малку поинаков начин од оној на кој сме навикнати секојдневно. Тиквичките се навистина здрава храна, но и фантастични за подобрување на изгледот на некое ладно јадење. Можат да се најдат во различни големини, облици и бои, а се делат на летни и зимски. Некои сорти на тиквички потекнуваат од Индија, а некои од Америка. Достапни се преку целата година, но тиквичките се најдобри во сезоната од крајот на мај, па се до август.
За овој период додека ги има во изобилие и имаат одлична цена на пазарите, ве советуваме да го испробате овој креативен предлог за декорација. Прекрасно изгледа, а ако го погледнете видеото и внимателно ги следите чекорите ќе се уверите дека секој може. Направете ја и вие својата совршена ружа од тиквичка и изненадете ги сите околу себе. Можно е и лесно, пробајте и ќе успеете да направите креативна декорација и вие!