Многу се симпатични за визитарски поводи, а и домашно уживање! Зошто да не, нели?! Овие мали солени задоволства кои се спакувани во вид на мини чизкејк мафини со лосос, се служат како ладно предјадење. Ќе ги израдувате саканите и гостите, пробајте ги!
Може да ве интересира: Солени мини мафини.
Состојки:
За основа:
- 100 гр солени крекери
- 50 гр путер
За фил:
- 100 гр чаден лосос
- 200 гр крем сирење
- 120 гр рикота сирење (за замена може да користите урда)
- 120 гр густ јогурт/кисело млеко
- 1 лажица ситно сечкан магдонос
- 1 лажица свеж или сув власец
- 3 листа желатин (или околу 1/2 ќесичка)
- сол и црн пипер по вкус.
Подготовка:
- Крекерите измелете ги и ставете ги во сад.
- Путерот стопете го, па измешајте го добро со претходно измелените крекери.
- Смесата распоредете ја во 6 калапи за мафини обложени со хартиени кошнички.
- Со притискање со лажица, полека израмнете ја површината, па калапот ставете го во фрижидер за да се изладат и здрват.
- За тоа време подгответе го филот. Во сад ставете ги рикотата, крем сирењето, власецот, магдоносот и лососот, претходно исечкан на ситни парчиња.
- Желатинот натопете го во малку вода за да набубри.
- Оддвојте 2-3 лажици од јогуртот и малку стоплете го, па додајте го желатинот и измешајте го за да се стопи.
- Додајте го и сирењето во садот, измешајте малку и на крај додајте го и останатиот јогурт. Повторно измешајте ја смесата. Додајте и сол и црн пипер по вкус.
- Наполнете ги калапите и оставете ги во фрижидер за убаво да се стегнат и разладат.
- Пред служење внимателно извадете ги од калапите и остранете ја хартијата. Украсете со парчина лосос или по желба. На здравје!
Рецептот го испратил: Невена Ѓероска.
Ви препорачуваме да прочитате: Брзи проја мафини.