Хељдата е растение за кое многумина мислат дека припаѓа во групата на житарки, но всушност хељда е семе од овошје, што ја прави совршена замена за житарките. Карактеристично за ова растение е тоа што не содржи глутен и е одлична и вкусна замена за житарки кај лица со алергија на глутен.
Цветовите на хељдата се многу привлечни за пчелите и тие ги користат овие цветови за да направат мед со карактеристична темна боја и мирис. Во продолжение прочитајте 10 начини на кои хељдата може да го подобри и сочува нашето здравје:
- Таа е најдобар извор на високо-квалитетни и лесно сварливи протеини, што ја прави одлична замена за месото.
- Замена за штетните масти – скробот од хељдата исто така може да се користи и како замена за додадените масти во процесираните прехрамбени производи.
- Во листовите се наоѓа голема количина на супстанцата рутин која од тука се екстрахира и се користи како лек за намалување на високиот крвен притисок.
- Не предизвикува алергии. Лушпите од хељдата се користат како полнеж за перници за лица кои страдаат од алергии на пердуви, полен или прашина.
- Може да помогне при дијабетес. Нови истражувања покажуваат дека хељдата може да биде корисна при справување со дијабетесот. Таа има гликемиски индекс 54, и е добра за намалување на крвниот шеќер, а исто така дава и чувство на ситост.
- Одлична е за добро варење. Таа ги чисти и ги зајакнува цревата и го подобрува апетитот, исто така е ефективна и за третман на дезинтерија и хронична дијареа.
- Не се третира со многу хемикалии. Хељдата расти толку брзо што нема потреба да се третира со многу пестициди и други хемикалии за да расти побрзо.
- Хељдата помага во отстранување на вишокот на вода од организмот, и во отстранување на вишокот течности кои се насобираат на разни делови од телото во вид на отоци.
- Хељдата е класифицирана како јанг храна според макробиотичарите, па така таа е одлична за јадење и во ладните зимски месеци.
- Хељдата не содржи глутен и не е житарка. Поради ова таа е одлична замена за житарките кај лица кои страдаат од цилијакија (алергија на глутен), или лица кои се на диети кои не вклучуваат житарки, и лица кои се на безглутенска исхрана.
Автор: Маја Велковска.
За здравствените придобивки од хељдата и нејзината хранлива вредност може да прочитате тука.