колачиња со ванила и чоколадо

Колачиња со ванила и чоколадо

Одличен избор за убав ден! Почестете се со овие колачиња и почувствувајте ја извонредната арома на ванила и чоколадо. Колачињата се прават брзо и лесно, а идеално се вклопуваат со вкусно кафе или чај. Ние ги пробавме, пробајте ги и вие, нема да зажалите!

колачиња со ванила и чоколадо

Состојки:

  • 200 гр брашно
  • 75 гр шеќер
  • прстофат сол
  • 1 пакетче ванилин шеќер
  • 1 полна лажица капучино
  • 1 жолчка
  • 120 гр маргарин
  • 60 мл слатка павлака
  • растопено црно чоколадо за декорација.

Подготовка:

  1. Во сад измешајте ги брашното, шеќерот, солта, ванилата и капучиното.
  2. Додадете ги прво маргаринот и жолчката, потоа и павлаката, па замесете меко и мазно тесто.
  3. Тестото завиткајте го во најлонска фолија и оставете го во фрижидер половина час.
  4. Од изладеното тесто развлечете кора со дебелина од половина сантиметар, па и со кружни форми или чаша со помал пречник исечете кругови.
  5. Печете на 180 степени, околу 12 минути.
  6. Растопете го чоколадото и оформете лица на колачињата. Дозата не е голема, па доколку сакате повеќе колачиња, дуплирајте ја количината на состојките.

Насмеаните колачиња со ванила и чоколадо се совршени за детски забави и кратки кафе паузи за возрасни, а исто така се совршена закуска со шолјичка чај или кафе.

Рецептот го испратил: Клара Бос

Сподели: