Здрави, вкусни, хранливи и симпатични, ете баш така би ги опишале овиe чоколадни колачиња од суво овошје и јатки. Толку се слатки и декоративни, што сме сигурни дека штом еднаш ги подготвите и се уверите во нивниот вкус, ќе ги правите секогаш повторно и повторно. Овој рецепт ни доаѓа од кујната на Лана, а тоа е еден доказ плус за совршеноста на овој рецепт.
Секоја мајка знае колку е напорен и тежок периодот на излегување на млечните заби за бебињата и малите деца. Со цел да им го олесниме овој процес, на интернет побаравме начини за намалување на болката при излегување на млечните заби. Повеќе мајки потврдија дека ладна храна како што е домашно приготвениот сладолед им помогнал на малите деца за ублажување на болката.
Пролетта важи за едно од најубавите годишни времиња, а многумина од нас не можат да уживаат во нејзиниот раскош, зелената трева и опојните цвеќиња. Тоа се должи на пролетните (сезонски) алергии кои понекогаш се многу непријатни. Ако овој период од годината се соочувате со солзење на очите, иритација на грлото, затнат нос, зуење во ушите… време е да преземете мерки и да го подобрите здравјето. Еве неколку добри намирници против пролетна алергија кои треба да ги јадете речиси секој ден.
За сите љубители на лесен појадок, овие воздушести палачинки од белки и овес се одличен избор. Истите може да ги послужите како сладок појадок или пак попладневна ужина. Рецептот ни доаѓа од кујната на Лана и веќе знаете дека сигурно ќе ве воодушеви. Сите нејзини рецепти се вистинско уживање. На вас останува само да си ги направите и да му се препуштите на едно неверојатно гурманско искуство кое ги задоволува сите сетила.
Има многу причини зошто на вашето мени почесто да се најдат малите слатки капини. Тие изобилуваат со антиоксиданси и витамини, а благодарение на поволниот состав помагаат за превенција на кардиоваскуларни, когнитивни и канцерогени заболувања. Па што чекате, сега им е сезоната и искористете ги максимално!
Ние го обожаваме сезоноското овошје, но за жал одредените намирници се достапни само во краток период. Затоа, во деновите кога ги имаме во изобилство, ние сме во потрага по најдобрите рецепти за зимница со чија помош ќе може да уживаме во нив и останатите сезони. Ова е сигурно еден од наједноставните начини на кои може да направите вкусен домашен компот од круши кој ќе ви трае долго време. Пробајте го!
Сонце, природа, убава сенка и вкусна закуска се се што е потребно за еден идеален летен ден со друштвото или семејството! Бидејќи сме обожаватели на разните излети во планина, пикник собиранки и уживањето во плажа, направивме мала анкета и споделуваме со вас кои се најчестите омилени грицки и ужинки за совршен ден во природа и на плажа!
Сезоната на малите слатки рибизли е во полн ек. Колку се здрави веќе сите знаеме, но за жал некако ги занемаруваме и ретко ги користие. Но, тоа не значи дека од овие црвени бисерчиња не може да направиме превкусни десерти. На блогот од нашата пријателка Лана наидовме на многу рецепти со ова интересно овошје. А денес одлучивме да споделиме со вас рецепт за џем од рибизли кој подоцна може да го искористите за подготовка на најразлични десерти.
Летото е период кога сите сакаме полесни десерти со овошен вкус, кои истовремено и ќе не заблажат, но и освежат. Овој е баш таков! Вкусен, благ и освежителен со совршена арома на лимон. Овој рецепт го најдовме на блогот на нашата пријателка Лана, па не се сомневаме дека е прекрасен како и сите други нејзини рецепти. Сигурни сме дека сите ќе ги обожаваат овие корнети од лиснато тесто, но со поразличен кремаст фил од слатка павлака.