Овие мафини од лиснато тесто со спанаќ и сирење може да ги послужите како топло предјадење или како богат појадок за некои посебни денови кога имате повеќе време на располагање. Во секој случај вкусните мафини нема никого да го остават рамнодушен, а тоа е секако најважно. Најголем подарок за оној кој готви се секако задоволните насмевки и позитивните критики на дегустаторите.
Вкусното домашно крем сирење – лабнех е специјалитет од Блискиот Исток, а се добива со цедење на кисело млеко. Има благ вкус и потсетува на крем сирење. Со него може да си направите вкусни топчиња за мезе или корпички од краставица. Како и да го употребите, има декоративен изглед кој ќе ја краси вашата трпеза за разни поводи и прослави. А, може да се послужи и како лесно предјадење, па прочитајте до крај.
Ако ви се најават гости и не знаете со што да ги почестите, имам еден баш брз и многу лесен рецепт од мојата кујна! Нема потреба да се грижите, затоа што за кратко време ќе имате вкусна крем салата со јајца и сирење, која многу ќе им се допадне на домашните дегустатори, а и на гостите! – вели Катерина од нашиот тим.
На сите гурмани кои сакаат да уживаат во вкусен домашен ручек, топло им препорачуваме да си направат запечени компири во сос од павлака и крем сирење. Богато јадење кое сигурно ќе ве освои уште на првиот залак. Всушност, кој може да одолее на кремасти компири кои се топат во уста и ги задоволуваат сите сетила?
Преубаво мезе, посебно за љубителите на сирење. Декоративно многу, а и превкусно! Овој интересен рецепт го најдовме на страницата на нашата пријателка Весна. Откако прочитавме за нејзиното воодушевување за вкусот на вака припременото сирење со ореви и зачини, а и дознавме дека ова е еден од најбараните рецепти за свечените и празнични трпези каде што живее таа, не се двоумевме да го споделиме со вас.
Печената тиква со мед и фета сирење е одличен есенски рецепт, кој се припрема за околу 40 минути. Може да се јаде самостојно како салата, како полесна вечера или пак де се послужи како прилог со месо. Одлична е и ако ви дојдат ненајавени гости кои сакaте да ги изненадите со нешто ново и необично, а немате време да готвите јадење кое е комплицирано.
Овој испробан рецепт за подготовка на домашна татлија со пресно сирење потекнува од Струмичкиот крај, а дознавме како може да ја направиме благодарение на Весна. Татлијата често се меша со раванијата, а подолу може да прочитате која е разликата помеѓу нив. Во секој случај, ова е десерт чиј вкус е одличен и лесно прифатлив за јадење!