Путер грицки со кашкавал 1

Путер грицки со кашкавал

Овој пат од кујната на нашата драга пријателка Лана ни доаѓа интересен рецепт за симпатични и вкусни путер грицки со кашкавал. Совршени се за оние мигови кога ќе ви се најават гости, а вие немате ништо дома, па сакате брзо и лесно од малку намирници да направите нешто вкусно.

Овој рецепт е за сите оние кои сакаат да грицкаат. Одлично одговараат со пиво, а ќе ги обожаваат и сите кои обожаваат да мезат додека го гледаат омилениот филм или серија. Па, одвојте еден час и направете си вкусни и домашени путер грицки за вас и за вашето семејство.

Путер грицки со кашкавал 2

Состојки:

За тесто:

  • 500 г брашно
  • 250 г путер
  • 250 г фета сирење
  • 1 лажичка сол
  • 1 ќесичка прашок за печиво
  • 1 жолчка
  • 75 мл млеко

За премачкување:

  • 1 белка
  • 50 г рендан кашкавал.

Подготовка:

  1. Во длабок сад измешајте ги брашното, солта и прашокот за печиво. Потоа додајте ги путерот, сирењето, жолчките и малку ладно млеко. Од наведените состојки замесете мазно тесто.
  2. Вака замесеното тесто може веднаш да се работи, но по желба може да го завиткате во најлонска фолија и да го оставите неколку часа во фрижидер.
  3. Тестото развлечете го во правоаголна кора со дебелина од околу 1 см.
  4. Кората премачкајте ја со изматени белки и со помош на виљушка изгребете ја, така што ќе направите малечки бразди по цела нејзина должина.
  5. Потоа, посипете ја со ренданиот кашкавал или друго тврдо сирење по желба.
  6. Со помош на нож исечете ја кората на штангли со еднаква големина (ширина 1 см и должина од 6 – 7 см).
  7. Штанглите наредете ги врз премачкан плех за печење и печете ги во претходно загреана рерна на 200 степени, околу 15-20 минути додека добијат убава боја. На здравје!

Ви препорачуваме да прочитате: Посни грицки со бадеми.

Следете ја sezahrana.mk и на Instagram и Pinterest.

Сподели: