Сосот за скара е вкусен и може многу лесно да се искористи за подобрување на вкусот на пилешкото или на било кое друго месо по ваша желба. Додека маринадата се користи најчесто за да го омекне, сосот за скара се впива во пилешкото, па тоа е повкусно и посочно. Токму тоа, нè инспирира да ви кажеме што ново пробавме! – Направете си маринирано пилешко месо со сос за скара и уживајте во една поинаква димензија на вкусови и сочност кои не може да ги постигнете со стандардна маринада.
Наближува традиционалното пролетно скараџиско собирање! Дружењето со пријателите кои не сме ги виделе некое време е најзабавниот дел, но тоа не би било така, ако храната не е совршена и пијалаците ладни, нели?! Па, затоа што и ние од искуство знаеме дека е важно да се има некои вештини, малку истражувавме и дознавме некои проверени насоки и мали тајни за совршена скара!
За денот на трудот традиционално се оди на излет и се прави скара, па доколку сакате овој 1-ви Мај да имате навистина добро подготвено месо, наместо да купувате готови смеси за ќебапи и плескавици, направете си ги сами. Со помош на нашите инструкции и рецепти може да ги направите најдобри ќебапи и плескавици досега.
Рататуј е традиционален француски специјалитет, чие име во превод значи мешана разновидна храна. Станува збор за лесен медитерански оброк, кој брзо се прави и е одличен начин да го искористите и изедете здравиот зеленчук. Се приготвува на различни начини, а сега имате можност да дегустирате рататуј на скара.
Заедничката подготовка на јадење е интересна активност за друштвото или семејството! Сите се собираат на едно место, атмосферата е опуштена и неформална, природна и спонтана. Тоа е момент кога може да се направи вкусна скара за најкратко време од различни меса и зеленчук. Нема многучасовно готвење, а има многу забава.
Времето затоплува, па многумина од нас почесто излегуваат во природа. А покрај тоа и првомајските празници не може да се замислат без вкусна скара која се приготвува по ливадите. А кога сме кај скарата, ако немате или сте заборавиле да ја понесете со вас, имаме супер предлог. Може да си направите скара од конзерва и тоа за само две три минути.
Сосот за скара особено е популарен во Америка, но во последно време и кај нас почесто може да се најде на рафтовите во маркетите. Тој може да се користи како додаток во јадењата, за маринирање на месото, за декорација или прелив за месо кое е подготвено на скара или печено. Овој сос за скара најдобро се комбинира со свинско месо, пилешко или телешки ребра.
