Ако ви се најават гости и не знаете со што да ги почестите, имам еден баш брз и многу лесен рецепт од мојата кујна! Нема потреба да се грижите, затоа што за кратко време ќе имате вкусна крем салата со јајца и сирење, која многу ќе им се допадне на домашните дегустатори, а и на гостите! – вели Катерина од нашиот тим.
„Морковот и дава посебна свежина и убава текстура, а нането пак, арома на која не може да се одолее. Прво ја пробавме дома и уживавме многу, па топло препорачувам да си ја направите и вие што поскоро.“ – додава Катерина Шамбевска Спасеновска, а за повеќе интересни рецепти од неа, погледнете го нејзиниот Инстаграм профил @katerina.shambevska.
Состојки:
- 5 варени јајца
- 50-70 мл мајонез
- 100 гр сирење
- 200 мл павлака
- 2 поголеми моркови
- 1/2 до 1 лажичка суво нане
- сол и црн пипер по вкус.
Подготовка:
- Прво сварете ги јајцата, па оставете ги да се изладат.
- Во меѓувреме, измијте ги и изрендајте ги морковите.
- Претходно изладените јајца, ситно исечкајте ги или изрендајте ги.
- Во поголем сад ставете ги ренданите моркови и јајцата, а потоа додајте го и претходно изренданото сирење, мајонезот и павлаката.
- Промешајте малку, па зачинете ја салатата со сувото нане, како и црн пипер и сол по вкус.
- Смесата убаво измешајте ја и ставете ја во чинија за сервирање. Декорирајте по желба или со парчиња рендан морков и поросете со нане. Лесно и брзо, на здравје!
Препорака од авторот:
Обожавам, брзи, вкусни и лесни рецепти! – Па, ако ви се допадна предлогов, разгледајте ги моите профили каде објавувам испробани рецепти креирани во мојата кујна и заследете ме:
- Instagram: @katerina.shambevska
- Facebook: Katerina Sambevska Spasenovska.
Автор на рецепт и фотографии: Катерина Шамбевска Спасеновска, @katerina.shambevska.
Ви предлагаме да прочитате: Бела крем салата со компири и мајонез.