Брзо скараџиско макало 1

Брзо скараџиско макало

Откако еднаш ќе го пробате, ќе ви стане традиција. Собиранките со друштвото се идеална прилика за да го пробате ова макало! Штом се прави скара, се знае, без макало не ја бива, па еве го рецептот за нашето омилено, едноставно и брзо скараџиско макало!

Дружењето ќе ви биде позабавно, а скарата повкусна. Препорачуваме на скарата да си испечите и леб со малку нане и црвен пипер, па задоволството од храната ќе би биде уште поголемо. Полн погодок!

Брзо скараџиско макало 2

Состојки:

  • 1 главица лук
  • 1/2 чаша вода
  • 1/2 чаша јогурт
  • сол по вкус
  • јаболкова киселина по вкус
  • масло по вкус.

Подготовка:

  1. Лукот излупете го, па чешнињата измијте ги и малку исечкајте ги. Потоа ставете ги во поголем дрвен сад за толчење.
  2. Со помош на дрвен толчник, лукот истолчете го, а повремено додавајте по малку масло така што смесата да наликува на густ крем.
  3. Откако сте завршиле со толчењето, посолете и додајте киселина, па измешајте.
  4. На крај, на повеќе пати и со повремено мешање, додајте ги јогуртот и водата.
  5. Откако е се измешано, време е да се проба. На здравје!

Ви препорачуваме да прочитате: Македонско традиционално макало.

Сподели: