Што има поубаво од мирисот на пресно печен леб?! – Со векови се негува традицијата на подготовка во разните нации, а во оваа прилика, благодарение на Невена имаме испробан рецепт за домашен леб на италијански начин!
Секое парче пружа неизмерно уживање на трпезата. Радост кај ближните. И не само тоа, освен што вкусно ќе ги нахраните, ќе биде како да сте ги одвеле на мало патување со сетилата. Направете го и на здравје пријатели.
Состојки:
- 500 г брашно
- 125 мл топла вода
- 125 мл топло млеко
- 20 г квасец
- 3 лажици масло
- 3 полни лажици песто сос
- 2 лажици пармезан
- 1 лажиче шеќер
- 1/2 лажиче сол.
Подготовка:
- Во длабок сад за месење ставете ги сите состојки. Добро измешајте ги и замесете нелепливо тесто.
- Тестото покријте го со најлонска фолија и оставете го на топло додека нарасне скоро двојно од својот волумен.
- Потоа размесете го и ставете го во намрсен правоаголен калап и повторно оставете го да нарасне за време од околу 40 минути.
- Печете во претходно загреана рерна на 180-200 степени, околу 45 минути.
- Послужете го топло со крем или јако сирење и домати. Навистина е одличен!
Рецептот го испратил: Невена Ѓероска.
Ви препорачуваме да прочитате: Домашен леб со фета сирење.