Леб, но со уште подобар вкус! Понекогаш е добро да внесеме мала промена во секојдневното мени. Кате сподели со нас одличен рецепт за домашен леб со фета сирење, а ние можеме да го направиме и да го изненадиме семејството.
Овој леб се прави многу лесно и воопшто не е сложена постапката доколку некој помалку искусен сака да го подготви. Не одзема многу време, а ќе направи разлика во вашето секојдневие. За појадок со зеленчук одговара многу добро. Направете салата и уживајте во едноставноста на вкусовите. Доколку сакате да дознаете повеќе за тоа како може да ја одржите подолго свежината на лебот, кликнете тука.
Состојки:
- 500 гр брашно
- 1/2 коцка квасец
- 250 гр фета сирење
- 1 лажичка сол
- прстофат шеќер
- по потреба топла вода.
Подготовка:
- Во длабок сад ставете го брашното.
- Во средината направете вдлабнатина и ставете го квасецот, солта и малку шеќер.
- Ставете малку топла вода и оставете квасецот убаво да нарасне.
- Додајте го испасираното фета сирење и со топла вода замесете меко нелепливо тесто и оставете го да нарасне.
- Потоа, врз набрашнета површина размесете го тестото и обликувајте долгнавеста форма на леб.
- Засечете го на неколку места и оставете го да нарасне.
- Лебот печете го загреана рерна од 200 степени, додека убаво зарумени.
Рецептот го испратил: Катерина Милошевска Глигороска.
Ви препорачуваме да прочитате: Леб со маслинки, сирење и сланина.