Брз и лесен рецепт за максимално уживање во викендите, празниците и разните убави поводи! Ако и вие сте обожавател на убави рецепти кои лесно се прават, треба да ги пробате неодоливите кремасти коцки без печење, кои се предлог од нашата долгогодишна пријателка и соработничка Катерина.
На Кате и се заблагодаруваме за овој и сите други испробани рецепти, а вам топло ви ги препорачуваме. Вкусни, па и уште без печење! Може ли да бидат подобри?
Може да ве интересира: Кремаст колач со лешници.
Состојки:
- 1 литар млеко
- 400 гр шеќер
- 2 пакетчиња желатин
- 100 мл млеко за растварање на желатинот
- 1/2 литар слатка павлака
- 300 гр мелени наполитанки со вкус на лешник
- 400 гр мелени бисквити
- по потреба рендано чоколадо.
Подготовка:
- Ставете го млекото и шеќерот да зовријат (може и во касеролата директно).
- Додајте го желатинот, претходно растворен во 100 мл млеко.
- Оставете да врие 10 минути, а потоа оставете ја да отстои во замрзнувач околу 2 часа.
- Изматете ја слатката павлака и додајте ја во смесата со желатин.
- Поделете ја смесата на 3 дела.
- Во едниот дел ставете ги мелените бисквити, во другиот дел мелените наполитанки, а третиот нека остане бел.
- Во правоаголен плех ставете ја прво смесата со бисквити, потоа со мелените наполитанки и најгоре белата смеса.
- Одозгора изрендајте чоколадо и оставете да отстои во фрижидер.
Рецептот го испратил: Катерина Милошевска Глигороска.
Ви препорачуваме да прочитате: Чоколадни кремасти коцки со бисквити и лешници.