Несомнено, домашно направениот украс снешко засекогаш ќе им биде омилен зимски лик на вашите деца. Додека надвор сеуште нема доволно снег и не можете да направите вистински снешко, може да го искористите овој видео туторијал и подеднакво да се забавувате.
Ова е една од најслатките и наједноставните играчки кои може да ги направите за децата како поклон за престојните празници. Постапката за изработка на украсниот снешко е многу едноставна. На вас останува само да ги следите инструкциите и да ги израдувате вашите малечки со оваа слатка играчка.
Како да го направите?
Пред да започнете, проверете дали ги имате на располагање следните материјали:
- дебели, бели спортски чорапи
- ориз
- ножици
- ластика
- копчиња
- игла и конец
- малку материјал за шалче.
Начин на изработка:
- Пресечете го чорапот на местото определено за петицата.
- Потоа чорапот превртете го наопаку.
- Местото каде го пресековте чорапот, подврзете го со ластика или сошијте го ако ви е страв дека ластикот може да попушти.
- Превртете го чорапот од надворешната страна и наполнете го со ориз.
- Наполнетиот чорап, врзете го со ластика на две места, така што ќе формирате облик на снешко.
- Од парчето материјал исечете тенка лента која ќе ја врзете како шал на вратот од снешкото.
- Со помош на игла и конец сошијте му очи и нос, или закачете му игли со топчиња на врвовите.
- На стомакот, сошијте му копчиња.
- Остатокот од чорапот, кој го отсековте на почетокот, превиткајте го во облик на капа и ставете го на главата од снешкото.
Ви препорачуваме да прочитате: Направете снешко од пластични чаши.