салата со пченка 1

Летна салата со пченка

Летото е создадено за брзи и лесни салати кои може да се служат како прилог со главното јадење, но и како комплетен оброк за појадок или вечера. За денес споделуваме една лесна, летна салата со пченка. Се подготвува брзо и нема да ви одземе многу време во кујна, па ќе имате повеќе време за дружба со вашите најблиски и игра со децата, без грижа на совест дека нема да имате здрав оброк за нив.

Краставиците и доматите сега ги има во изобилство на пазарите, па вистинска штета е да не се искористат. Тие треба да бидат секојдневно на нашите трпези. А, во комбинација со пченка, свежи зачини  и црвен кромид ќе добиете ем вкусен, ем здрав оброк со нискокалорична вредност на избалансиран појадок за почеток на денот или лесна вечера за мирна ноќ.

салата со пченка 2

Состојки:                                                                                                         

  • 3 чаши замрзната пченка од Слога
  • 1 чаша сечкани чери домати
  • 1 чаша сечкани краставици
  • ¼ чаша сечкан црвен кромид
  • 3 лажици маслиново масло
  • 1 лажица јаболкова киселина
  • сол по вкус
  • црн пипер по вкус
  • 1 лажичка сечкан свеж магдонос
  • свеж босилек или други зачини по ваш вкус.

Подготовка:

  1. Замрзнатата пченка варете ја 10 минути според инструкциите на пакувањето.
  2. Во меѓувреме доматите, краставиците и кромидот исечкајте ги на коцки.
  3. Во длабок сад измешајте ги варената пченка заедно со сечканиот зеленчук. Додајте ги маслиновото масло, јаболковата киселина и свежите зачини по ваша желба. Зачинете со сол и црн пипер по вкус.
  4. Вака подготвената салата добро промешајте ја и веднаш послужете ја. На здравје!

Совет плус:

При подготовка на салатата играјте си со вкусовите на зеленчукот и наместо пченка можете да додадете друг вид на зеленчук како грашок, златна мешавина, руска салата, бејби морков… Доколку сакате да користите од овие наведени зеленчуци, салатата припремете ја по истата постапка и кој замрзнат зеленчук и да го одберете најпрво обарете го. Посетете ја  веб страница или Facebook фан страницата на Слога и разгледајте подетално кои производи ги нудат. Штом станува збор за замрзнат зеленчук, наш прв избор се Слога кои оваа година слават 30 години јубилеј. Долгогодишното искуство, квалитет и традиција ги прават производите на Слога задолжителен дел на секоја трпеза.  Производите се достапни во поголемите маркети низ земјата, а сега може да ги набавите и со картичките од кампањата „Купувам домашно“. Слога како македонска компанија е дел од оваа кампања и картичките може да ги искористите за набавка на пакувани производи!

Ви препорачуваме да прочитате: Посни тестенини со брокула и грашок.

Следете ја sezahrana.mk и на Instagram и Pinterest.

*Спонзориран рецепт.

Сподели: