По изгледот многу потсетува на ајвар, а по вкусот се разликува многу! Овој прекрасен намаз од домати и модри патлиџани е успешен резултат од кујнскиот експеримент на нашата пријателка од блогот Кuhinjica Мignone.
Така, можете слободно да го направите и да уживате во одличниот вкус, бидејќи е испробан и вреден да се сподели со сите познаници, како што сподели нашата пријателка со нас.
Состојки:
- неколку крупни домати
- 1-2 модри патлиџани
- неколку чешниња лук
- сол по вкус
- мелена црвена пипер по желба.
Подготовка:
- Најпрво убаво измијте ги доматите и модрите патлиџани, излупете ги, а потоа исечете ги на кругови дебели околу 1 см.
- Убаво наредете ги во плех, налејте малку масло врз низ, посолете ги и ставете ги да се печат на 200 степени околу 30 минути за да омекнат.
- Почекајте малку да се изладат, а потоа ситно исечкајте ги или иситнете ги со блендер.
- Во малку масло пропржете го ситно сечканиот лук, па додајте го иситнетиот зеленчук и динстајте околу 10 минути за смесата да се згусне.
- Посолете по вкус, а по желба додајте малку мелена црвена пипер.
Готовиот намаз од домати и модри патлиџани складирајте го во тегла и чувајте го во фрижидер. Можете да го употребувате како прилог со грицки, намаз за тортилји, додаток за месо и со се што мислите дека вкусот ќе биде погоден, а најдобро би било да го искористите во рок од неколку дена, заради што препорачливо е да го правите во помали количини. Ако пак имате потреба од поголема доза, слободно зголемете ја количината на состојките. На здравје!