Со Фила ги споделуваме најубавите здрави рецепти и ве мотивираме да направите оброци кои се хранливи и вкусни. Овој пат ви предлагаме да ја пробате посната здрава паштета од грав.
Брзи краставица сендвичи за само 5 минути! Совршени за лето, прошетки и уживање! За секакви пригоди, за пикник на најблиската ливада или целодневен излет некаде, за патување да ве освежат и нахранат. Одлични за брзински појадок дома или вкусна закуска на работа. А, ако ги исечете на коцки како мезе зелчиња, супер се вклопуваат за детски родендени и забави, за вечерни седенки со друштвото и семејни собири! Проверено одобрен вкус од сите генерации!
Хранлив, посен и богат со протеини! Хумусот е традиционално јадење од Блискиот Исток, во кое главна состојка е наутот, а најчесто се служи во вид на традиционално припремени фалафел ќофтиња. Има специфичен, богат вкус, мазна текстура и е еден од најздравите намази. Се приготвува многу брзо, а може да се складира во фрижидер со денови, па кога и да сакате здраво мезе или лесен оброк, ќе ви биде на дофат. Тостирате лепчиња, сечкате домати и заедно со веќе готовиот домашен хумус, добивате брз и здрав оброк.
Имаме нов и супер вкусен рецепт кој посебно ќе им се допадне на оние кои обожаваат домашни намази! – Ви предлагаме да пробате малку поинаков хумус со модри патлиџани, кои совршено го дополнуваат вкусот на јадењето. Овој намаз може да го користите како додаток во веге бургери или намачкан на лепче. Изборот ќе остане на вас, а ние ви гарантираме уживање во секој залак.
Имајќи предвид дека на денешно време е тренд разни намази и паштети да се припремааат дома, имаме интересен предлог за вас. За време на пости кога изборот на намирници е ограничен, секој рецепт за посен намаз или паштета е добредојден. Така, дојдовме до идеја да ја споделиме со вас нашата посна паштета од туна која се приготвува многу лесно!
Доколку ви се допаѓа вкусот на маслинките, а истовремено обожавате и лута храна, тогаш ова е вистинскиот избор за намаз. Богатиот вкус на маслинките и пикантна арома од црниот бибер ќе ги исполнат сите ваши сетила. Па, доколку се спремате за пости или едноставно сакате да си подготвите здрав појадок, тогаш домашниот пикантен намаз од маслинки и сончоглед е нешто што мора да го пробате.
За совршен дочек на новогодишните празници покрај неодоливите Божиќни колачиња, трпезата се разубавува со солени рецепти кои може брзо да се подготват непосредно пред најлудата ноќ во годината. Солени намази, соленки, кифлички и салати се задолжителни на празничната трпеза. А Лана ни предлага рецепт за еден интересен и необичен намаз од сирење со ореви. Вкусно, ароматично и богато, баш како што прилега за една празнична трпеза!
Цвеклото е зеленчук кој на сите нас ни е познат по неговите лековити својства. Иако, можеби на многу луѓе не им е омилено поради силниот и карактеристичен вкус, од него може да се направат навистина вкусни јадења и да се искористат сите негови благодати. А баш таков е и рецептот за хумус од цвекло кој е одличен за црниот дроб.