Брз, едноставен и вкусен десерт! Ние обожаваме кремасто и слатко, затоа рецептов за полнети урми со кремаст фил е помеѓу оние кои можеме да ги издвоиме. Јаткастите плодови им додаваат посебен шмек, или народски кажано јаготка на шлагот!
Одлично е што за многу кратко време добивате колачиња со кои може да ги почестите своите гости, роднини и пријатели. Убави за куќна слава или за чувство на богатство од вкусни сензации за било кој семеен ручек. Невена ни подготвува разни радости, а сите ние можеме да уживаме во нив!
Состојки:
- 15 урми со семка
- За полнење
- 100 гр крем сирење или маскарпоне
- 50 гр шеќер во прав
- 1/4 лажиче цимет
- неколку капки арома од рум или ванила.
За декорација:
- по потреба јатки од ореви, бадеми, лешници, фстаци и сл.
Подготовка:
- Урмите засечете ги на половина и извадете ги семките. Малку раширете ги но внимавајте да не ги преполовите, да останат цели.
- Во чинија со лажица измешајте ги да се изедначат сирењето со шеќерот во прав, циметот и румот.
- Ставете ги во готварски шприц и наполнете ги урмите.
- Одозгора ставете јатки од сувото овошје кое ќе го изберите.
- Пред да ги послужите најдобро е да ги оставите во фрижидер околу 2 часа да се спојат вкусовите.
Рецептот го испратил: Невена Ѓероска.
Ви препорачуваме да прочитате: Чоколаден колач со урми.