Кој би одолеал на вкусот на пица, па уште во вака привлечна и нова варијанта?! Да уживаме во деновите на постите, да си направиме посни мини пица палачинки. Меки се и имаат многу нежна текстура, сигурно ќе ви се допаднат!
И во деновите на пости може да се ужива во совршениот вкус на пица. Овој рецепт е одличен за целото семејство и гарантирано пружа вкусни и радосни моменти.
Состојки:
- 1 чаша брашно
- 1 лажиче прашок за печиво од Витаминка
- 1 лажиче оригано
- 1/2 лажиче сол
- 2 полни лажици посен мајонез од Витаминка
- 2 лажици кечап од Витаминка
- 1 лажица Брилијант масло
- 150 мл вода.
Подготовка:
- Во сад ставете го брашното, печивото, ориганото и солта. Добро измешајте.
- Во друг сад ставете ги посниот мајонез, кечапот и маслото. Измешајте ги и додајте ги во садот со сувите состојки. Додајте ја и водата и убаво измешајте за смесата да се соедини.
- Печете на средна температура, во загреано и малку намрсено тавче за палачинки. Со една лажица зацрпете од смесата, а со другата одделете ја во тавчето. Кога ќе падне во тавчето ќе наликува на топче со неправилна форма, па по потреба малку притиснете одозгора.
- Почекајте 2 минути да се испечи од едната страна, а потоа превртете ја и оставете ја уште 1-2 минути да се печи од другата страна. Ако температурата ви е посилна, прилагодете го печењето, но трудете се секоја палачинка да е зготвена и во внатрешноста.
- Сервирајте со кечап и маслинки за прилог и уживајте во светот на вкусовите. На здравје!
Овој и многу други вкусни рецепти можете да пронајдете во готвачот со посни рецепти, кој го приготвивме во соработка со Витаминка. Готвачот со посни рецепти е подарок во промотивното пакување со три мармалади од Витаминка.
Ви препорачуваме да прочитате: Брз рецепт за посен мазник од готови кори.
*Спонзориран текст.