Кога се пости или за секој ден, испробајте нов рецепт. Направете ги овие посни триаголници со фил од компири кои лесно се приготвуваат, а се превкусни за јадење. Филот е едноставен и убаво се вклопува во нив, многу ќе уживате!
И благодариме на Кате за убавиот рецепт, а на вас со задоволство ви препорачуваме да ги пробате што поскоро. Еве што вели таа за овој рецепт: „Идејата за додавање на сусамово масло дојде спонтано. Во моментот кога требаше да додадам масло во тестото си реков ај да им дадам малку шмек на сусам. И навистина при јадењето имаат посебен вкус.“
Состојки:
За тесто:
- 300 гр брашно
- 1/4 коцка свеж квасец
- 3 лажици сусамово масло (во замена користете маслиново или сончогледово масло)
- 1/2 лажичка сол
- 1/2 лажичка шеќер
- 120-150 мл топла вода.
За фил:
Подготовка:
- Во длабок сад за месење ставете ги состојките за тестото. Замесете го тестото за време од 5 до 10 минути, а потоа оставете го да нарасне.
- Во меѓувреме компирот изрендајте го и испржете го со малку масло.
- Во текот на пржењето додајте и малку вода за да стане кашест.
- Пржениот компир посолете го и додајте го копарот.
- Нараснатото тесто исучете го во форма на правоаголна кора.
- Исечете ја кората на квадрати и во секој квадрат нанесете од филот со компири.
- Преклопете ги коцките тесто и убаво со прсти затворете ги.
- Пржете ги во поголема количина масло.
- Испржените посни триаголници извадете ги на кујнска хартија да се впие вишокот мрснотија.
- Послужете ги со јогурт или свежа салата по желба. На здравје!
Рецептот го испратил: Катерина Милошевска Глигороска.
Ви препорачуваме да прочитате: Печени посни пирошки со фил од компири.