свинско каре 1

Свинско каре во сос од шампињони

Немате идеја што да подготвите за ручек? – Ви предлагаме вкусен рецепт за подготовка на свинско каре во комбинација со шампињони кој нѐ воодушеви. Рецептот е едноставен и без многу состојки, па секој може да го подготви и да има богат ручек на трпезата.

Сочно свинско месо со сос од печурки! – Звучи совршено, зар не? Оваа комбинација нѐ освои и секогаш ѝ се радуваме кога ни е на мени. Останува само да набавите свинско каре, печурки и да одвоите малку време за готвење.

свинско каре 2

Состојки:

  • 8 парчиња замрзнато свинско каре од Слога (околу 600 г месо)
  • 2 лажици путер или свинска маст
  • 2 главици кромид
  • 500 г шампињони
  • 1 лажичка црвен пипер
  • 1 лажичка зачин за готвење
  • 100 мл бело вино
  • 200 мл вода
  • 1 ќесичка крем супа од печурки
  • брашно по потреба
  • масло по потреба
  • сол и црн пипер по вкус.

Подготовка:

  1. Свинското месо оставете го да се одмрзни. Парчињата месо зачинете ги со сол и црн пипер по вкус, а потоа извалкајте ги во брашно.
  2. Испржете ги на загреано масло додека добијат убава златна боја и тргнете ги во сад на страна.
  3. Кромидот исчистете го и исечкајте го на ситни коцки. Запржете го во тавата во која се пржеше месото.
  4. Во меѓувреме шампињоните добро исчистете ги и исечете ги на ленти.
  5. Откако кромидот ќе омекне зачинете го со црвен пипер и добро измешајте, па додајте ги и шампињоните. Динстувајте околу 10 минути.
  6. Откако шампињоните ќе пуштат течност и омекнат, додајте ги пржените парчиња свинско каре. Додајте 100 мл вино и 100 мл вода, зачинете со мешан зачин и оставете да се вари околу 15 минути.
  7. Супата од печурки растворете ја во 100 мл вода и додајте ја во садот со месо и шампињони и оставете сѐ заедно да се вари дополнителни 10 минути додека се згусти сосот.
  8. Вака подготвеното свинско каре со шампињони послужете го додека е топло со ливчиња свеж босилек. На здравје!

Наша препорака:

Ви се допадна овој рецепт? – Набавете замрзнато свинското каре од Слога и започнете ја кулинарската авантура. Долгогодишното искуство, квалитет и традиција ги прават производите на Слога задолжителен дел на секоја трпеза. Покрај свинско каре, нивната палета нуди најразлични свински производи како свински бут без коска, свинско филе, свински врат, свински црн и бел дроб. Посетете ја веб страница или Facebook фан страницата на Слога и разгледајте подетално кои производи ги нудат!

Ви препорачуваме да прочитате: Пилешко Кордон блу.

Следете ја sezahrana.mk и на Instagram и Pinterest.

*Спонзориран рецепт.

Сподели: