Од оние што го пробаа потврдивме дека е многу вкусен и неодолив за цело друштво! Не е тежок за правење и тоа само уште повеќе ја подигнува оценката на овој сочен колач со банана и лешници! За уживање е во секој смисол. Предлогот ни доаѓа од кујната на Катерина и вреди да се проба некогаш! 🙂
Може да ве интересира: Посен брз двобоен колач со какао.
Состојки:
- 3 јајца
- 100 гр пченично брашно
- 100 гр интегрално оризово брашно
- 70 гр путер
- 190 гр кафеав шеќер
- 125 гр цврст јогурт (кисело млеко)
- 100 мл вода
- 1 банана
- 50 гр мелени лешници
- 1 кесичка прашок за печиво
За посипување:
- шеќер во прав по потреба.
Подготовка:
- Во сад за матење, изматете ги пенесто јајцата заедно со шеќерот.
- Додајте го растопениот путер, јогуртот, водата и матете кратко со најмалата брзина на миксерот.
- Измешајте ги двата вида брашно и печивото и додајте ги во изматената смеса, а потоа измешајте со жица за матење.
- На крај, додајте ја испасираната банана и лешниците. Убаво измешајте.
- Смесата турете ја во правоаголен калап за векна кој претходно сте го обложиле со хартија за печење или сте го намрзиле.
- Печете на 180 степени, за време од 40 минути.
- Испечениот и изладен колач посипете го со шеќер во прав и сервирајте го. На здравје!
Рецептот го испратил: Катерина Милошевска Глигороска.
Ви препорачуваме да прочитате: Посна колач торта со какао и кафе.