Сликата кажува се, нели? Благодарение на Катерина, сега имаме уште еден рецепт за посен и сочен десерт. Послужен со кафе, посниот брз двобоен колач со какао е идеален за средби со пријателите или засладување за време на пости.
За да го направите потребни се само неколку едноставни состојки и малку време за да приготвување. Едноставно речено, вреди да се проба.
Состојки:
- 250 гр брашно
- 250 мл топла вода
- 150 гр шеќер во прав
- 40 мл пченкарно масло (во замена може да користите и друго масло)
- 1 прашок за печиво
- 1 лажица какао
- 2 лажици рогач
- прстофат сол.
Подготовка:
- Во сад измешајте ги водата и маслото.
- Во друг сад измешајте ги брашното, шеќерот во прав и прашокот за печивото.
- Во садот со сувите состојки постепено мешајќи со жица додајте ја мешавината од вода и масло.
- На крај додајте прстофат сол и убаво измешајте.
- Поделете ја смесата на 2 дела. Во едниот дел додајте го какаото и рогачот.
- Во калап за леб ставете ја најпрвин белата смеса. Одозгора ставете ја темната смеса со какао и рогач и благо со виљушка промешајте.
- Печете на 180 степени 30 минути. Откако колачот ќе се испече, оставете го убаво да се излади. Бидејќи колачот не е многу благ по желба може да си го посипете со шеќер во прав.
Рецептот го испратил: Катерина Милошевска Глигороска.
Ви предлагаме да прочитате: Посен колач со суво овошје.