Чоколадни коцки со путер од кикирики - без печење

Чоколадни коцки со путер од кикиритки – без печење

Без многу мака до слатко чоколадно уживање. Нема потреба од печење, ги правите и јадете! Овој лесен и брз рецепт за чоколадни коцки со путер од кикиритки е предлог од кујната на нашиот пријател Давор, а ние со големо задоволство го споделуваме со сите вас. Уживајте во секој залак!

Состојките во овој рецепт се одбрани така што креираат една посебно вкусна сензација со арома на чоколадо и кикиритки. А, бидејќи ние имаме испробан рецепт кој се покажа како многу успешен и позитивно оценет од поголема група на дегустатори, ви предлагаме путерот од кикиритки да го направите сами дома, па повелете рецептот.

Чоколадни коцки со путер од кикирики - без печење

Состојки:

Основа:

  • 200 гр бисквити или крекери
  • 70 гр растопен путер
  • 120 гр путер од кикиритки

Слој од чоколадо:

  • 200 гр темнo чоколадо растопена
  • 60 гр путер од кикиритки.

Подготовка:

  1. Најпрво бисквитите се мелат во прав, а потоа им се додаваат растопениот путер и путерот од кикиритки.
  2. Откако убаво ќе ја измешате смесата, се распределува во мало правоаголно тавче.
  3. Врз оваа основа се истура растопеното чоколадо и на неколку места со помош на лажица се става растопен путер од кирикитки.
  4. Со помош на чепкалка се прават движења низ целото тавче.

Добар апетит!

Рецептот го испратил: Давор Панчевски.

Сподели: