Кога сакате да подготвите торта без печење и сакате да ја избегнете летната жештина или едноставно и лесно да направите вкусен десерт, вреди да го пробате овој колач без печење!
Ќе им успее на сите домаќини и домаќинки! Издвојте малку време и засладете се.
Состојки:
Основа:
- 200 гр бисквити
- 90 гр путер
- околу 1 мл екстракт од рум
Светол крем:
- 300 гр крем сирење
- 50 гр шеќер во прав
- 3 лажици слатка павлака
- 1 фолија (2 гр) желатин
- 1 кесичка ванилин шеќер
Темен крем:
- 200 гр црно чоколадо ( со 75 % какао)
- 200 мл слатка павлака
- 150 мл изматена слатка павлака.
Подготовка:
- Бисквитите измелете ги, а потоа измешајте ги со растопениот путер и екстрактот од рум.
- Смесата распоредете ја во правоаголен калап обложен со хартија за печење и убаво израменете ја, па ставете во фрижидер за да се стврди за време околу 1 час.
- Започнете со подготовка на светлиот крем. Желатинот ставете го во ладна вода да отстои 10-тина минути.
- Со миксер изматете ги крем сирењето, шеќерот во прав и ванилата.
- Слатката павлака ставете ја да се загрее(но не и да зоврие) и додајте го желатинот, претходно убаво исцеден од водата.
- Откако желатинот ќе се растопи додајте го во изматеното крем сирење и убаво измешајте.
- Ставете го кремот врз основата од бисквити и вратете во фрижидер уште 1 час.
- Припремете го и темниот крем. Слатката павлака убаво загрејте ја и со истата прелејте го чоколадото искршено на коцки.
- Мешајте додека чоколадото се растопи.
- Потоа покријте го садот со најлонска фолија и оставете да отстои 5 минути.
- Со жица измешајте го чоколадото и додајте ја изматената слатка павлака.
- Мешајте внимателно во еден правец, од долу према горе.
- Нанесете го чоколадниот крем врз светлиот слој од крем сирење и оставете да отстои во фрижидер околу 4 часа (или преку ноќ).
- Пред да ја послужите оставете ја некое време на собна температура.
- Може да украсите по желба или како во нашиот пример да нанесете топки слатка павлака и сува брусница.
Рецептот го испратил: Катерина Милошевска Глигороска.
Ви препорачуваме да прочитате: Чоколадни коцки со путер од кикиритки – без печење.