Припремивте ли ручек за денес? Ако сеуште не сте направиле, еве еден лесен рецепт за печени уштипци од тиквичка и сирење кој се прави додека трепнете!
Вкусот е проверен и е на предлог на нашата пријателка Лана од блогот Kuhinjica Mignone.
Состојка:
- 1 средно голема тиквичка
- 1-2 чешниња лук (или 1-2 стебленца млад лук)
- 2-3 лажички рендано сирење
- околу 1 шолја брашно
- 1 јајце
- малку црн пипер и сол
- сечкан магдонос по потреба
- по желба сечкани коцкички сланина.
Подготовка:
- Тиквичката излупете ја и изрендајте ја, малку посолете ја и оставете ја отстои 10-тина минути.
- Лукчето излупете го и ситно исечкајте го или иситнете го со помош на алатка, па пропржете го во малку масло.
- Тиквичката добро исцедете ја, додајте го сирењето, претходно припремениот лук, зачинете со сол и црн пипер по вкус, сечкан магдонос колку што сакате, јајцето и брашното. Добро измешајте за да се поврзат состојките.
- Ако сакате да постигнете пикантен вкус додајте малку луто пиперче.
- Додајте ги коцкичките сланина, ренданото сирење и измешајте.
- Уштипците формирајте ги со лажица и редете ги во плех, претходно обложен со хартија за печење.
- Попрскајте ги со малку масло и ставете ги да се печат во загреана рерна на 200 степени за време од 20 минути.
Предлог за сервирање: направете ѕаѕики сос или таратур и послужете.
Ви препорачуваме да прочитате: Лесен и брз рецепт за ќофтиња од тиквички.