Уникатната комбинација на месо, кашкавал и зеленчук, во прекрасен специјалитет кој може да го послужите како главно јадење. Оваа тава е препознатлива за Беровскиот крај, а ние со големо задоволство го споделуваме рецептот со вас.
Состојки:
- 1 кг сечкано свинско месо
- 1/2 кг мелено месо (топчиња со големина на орев)
- 100 гр кашкавал
- 200-300 гр сечкана чадена сланина
- 500 гр печурки
- 4-5 суви пиперки
- 3-4 главици кромид
- 500 мл доматно пире
- 200 мл црвено вино
- зачини се додаваат по вкус (сол, црн пипер и други по желба).
Подготовка:
- Во тава се ставаат сечканото свинско месо, топчињата од мелено месо, чадената сланина, печурките, сувите пиперки и кромидот и сите заедно се пропржуваат.
- Потоа се додаваат зачините, доматното пире и виното и се лесно се меша.
- Тавата се става во рерна загреана на 180-200 степени, за време од околу 1 час.
- Пред да ја извадите од рерна, се додава ренданиот кашкавал и се остава уште 5-10 минути за убаво да се стопи и малку да се потпечи.
На овој начин се подготвува надалеку познатиот специјалитет кој се нарекува Беровско тавче и се сервира како главно јадење. Вкусот е многу убав и потсетува на традиционалниот дух на македонската кујна. Пробајте и вие, нема да се каете!
Рецептот го испратил: Марија Митревска.