пица со маслинки

Кашел пица со маслинки

Одлична идеја за вегетаријанска пица со маслинки. Пробајте го и вие вкусот кој долго се памети, секое залче буди исклучително вкусни сензации кои ги обожаваат и децата и возрасните!

кашел пица маслина - посна

Состојки:

За тесто:

  • 0,5 кг брашно
  • 1 квасец
  • 2-3 лажици масло
  • 1 лажиче шеќер
  • 1 лажиче сол
  • 250-300 мл вода.

Додатоци (количината ја дозирате по желба):

  • кечап
  • оригано
  • сечкани шампињони (маринирани или свежи)
  • сечкани маслинки (околу 20 парчиња)
  • кашкавал
  • сусам.

Подготовка:

  1. Најпрво измешајте ги состојките за тестото и замесете го (не е неопходно да се чека квасецот да нарасне).
  2. Откако тестото е убаво, меко и компактно, растегнете го и ставете го во тава за печење (тавата треба да е поголема за пицата да биде потенка), претходно намрсена и обложена со пекарска хартија, а доколку сакате можете да печите во плех.
  3. Потоа наредете ги додатоците. Најпрво намачкајте го тестото со кечап, наросете со оригано, наредете ги сечканите шампињони и маслинките.
  4. На крај додајте го ренданиот кашкавал и наросете со сусам.
  5. Печете на 220-250 степени, за време од 20-25 минути.

Кашел пица со маслинки е одлична идеја за родендени и прослави и супер е како опција за секојдневен оброк за носење. Нискокалорична е, погодна вегетаријанци, а по желба може да додадете и дополнителни состојки. Најубава е кога е топла, но и ладната Кашел пица со маслинки има извонреден вкус и ќе ви овозможи дегустативно уживање.

Сподели: