„Многу често денот ми почнува со ваков појадок, а она што се менува е најчесто овошјето, кое преферирам да е сезонско. Ако сакате да следите здрав животен стил и да стекнувате нови корисни навики, ви предлагам да ја пробате мојата супер комбинација за убав енергичен ден. Вака приготвен овошен јогурт со овес и чиа, е одличен и соодветен за целото семејство!“- вели Катерина Шамбевска Спасеновска од нашиот тим, која ja ни направи и мала фотосесија од појадокот.
Секој ден го започнуваш со јогурт или кисело млеко? Те освежуваат и ти даваат енергија? – Се сметаат за супер храна и тоа со право! Идеални се за појадок или вечера, а совршено се вклопуваат во различните сосови за салати. Неодамна на подарок добивме кисело млечни производи од Млекара Тетово, а тоа ни беше мотивација за нашето ново истражување. Јогуртот и киселото млеко, претставуваат балансиран извор на протеини, масти, јаглени хидрати, витамини и минерали. Благодарение на тоа нудат бројни придобивки за здравјето, а еве што велат најновите истражувања на оваа тема!
Катерина од нашиот тим вели: „Вкусна радост во чаша! Време е за чиа пудинг со јагоди! Ова е мојот најнов освежителен специјалитет кој ја обележа пролетта моите сакани и еден од рецептите кои се објавени во најновиот број на списанието Добра храна! Уживање за сите сетила и енергија за телото без шеќер, без глутен и без лактоза. Звучи неверојатно нели? – Баш таков е, идеално добар! Ако сте љубителите на здравиот животен стил, ова е оброк за појадок или десерт за вас. Од предложената доза ќе добиете 2 порции.“
Пробиотиците се корисни за човечкиот организам поради многу причини. Тие ја подобруваат дигестијата на храната, ја прават кожата чиста и блескава, даваат енергија и го зајакнуваат имунолошкиот систем. И што е најважно, има многу природни намирници кои се богати со пробиотици, покрај нив изобилуваат и со витамини и минерали.
Речиси и да нема човек кој не обожава зелник со спанаќ и сирење. Тој вкус нѐ враќа во детството и нѐ потсетува на едно време кога нашите баби ни го правеа ова вкусно јадење. Сега благодарение на Лана имаме еден супер рецепт за пита зелник со спанаќ и сирење во полесна варијанта, па секој многу лесно ќе може да си го направи ова совршено задоволство.
Вкусното домашно крем сирење – лабнех е специјалитет од Блискиот Исток, а се добива со цедење на кисело млеко. Има благ вкус и потсетува на крем сирење. Со него може да си направите вкусни топчиња за мезе или корпички од краставица. Како и да го употребите, има декоративен изглед кој ќе ја краси вашата трпеза за разни поводи и прослави. А, може да се послужи и како лесно предјадење, па прочитајте до крај.
Иако псоријазата на скалпот е хронично заболување, постојат одредени природни лекови кои може да ја подобрат состојбата на кожата на главaта и да ги намалат непријатните симптоми. Секако постојат многу медицински креми и шампони кои ја ублажуваат состојбата при псоријаза, но природните решенија се многу поефтини и целосно безопасни, па вреди да се пробаат. Денес споделуваме со вас 2 природни третмани кои ги намалуваат симптомите на псоријаза на скалпот.
Инспирирани од љубовта кон прошетките и желбата да се зачува здравиот животен стил, баравме начин, како да креираме нешто што треба да исполни повеќе критериуми. Да трае, да биде вкусно и наредниот ден, а исто така да е лесно за носење и чување. Оттука и идејата да го овековечиме моментот на уживање, па го фотографираме нашето здраво пикник лепче. Ние избравме да си го надополниме уживањето и во преносно мини фрижидерче си понесовме и кисело млеко и павлака. Убаво си замезивме и задоволни од вкусното дружење, со радост го споделуваме рецептот со вас!
Топлото време е тука, а жештината почнува да го тестира прагот на издржливост. Работните обврски мора да се тераат и покрај топлината и промените на енергијата во денот. Постојат и такви кои имаат проблем со сонот, а други со апетитот или едноставно не знаат како да се хранат соодветно на временските прилики. Токму затоа, оваа содржина ја посветуваме на информации за тоа кои се најдобри намирници за летните денови и зошто е добро да ги јадете.