Ви предлагаме да си приредите слатко чоколадно попладне! Направете го овој чоколаден колач со банани и почестете се со омиленото друштво!
Можете да го направите во калап, а по желба и да го испечите во тава. Нашата пријателка Лана, од блогот Kuhignica Mignone ни потврди дека е одличен, а ние знаеме дека ќе им се допадне на сите.
Состојки:
- 250 гр брашно
- 100 гр шеќер
- 2 пасирани зрели банани
- 2 јајца
- 75 мл масло
- 75 мл слатка павлака или млеко
- 1 ќесичка ванилин шеќер
- прстофат сол
- 1 лажичка какао
- 1 полна лажица нутела.
За глазура:
- 100 гр чоколадо
- 3 лажици масло
- сечкани лешници за посипување.
Подготовка:
- Измешајте ги брашното, шеќерот, ванилиниот шеќер и прашокот за печиво.
- Бананите иситнете ги со помош на блендер или испасирајте ги со вилушка во мазно пире.
- Додајте го маслото, слатката павлака и благо изматените јајца, па сите состојки соединете ги со претходната смеса.
- На крај, измешајте го какаото и додајте ја лажицата нутела.
- Калапот (или тавата) премачкајте го со путер и посипете со брашно. Прво турете 2/3 од припремената смеса.
- Печете на 180 степени околу 40 минути и проверете со дрвена чепкалка дали е печен средишниот дел.
- Кога рабовите ќе се оддвојат од калапот, куглофот е готов. Почекајте неколку минути, а потоа внимателно свртете го врз рамна подлога.
- Кога куглофот ќе се излади потполно, прелијте го глазурата од чоколадо и посипете со сечкани ореви. За глазурата, на тивка температура растопете го чоколадото со малку масло и ќе добие убав сјај.
Ви препорачуваме да прочитате: Посен чоколаден куглоф со портокал.