Веќе долго време правевме различни рецепти за овесни тортиљи, но понекогаш резултатот беше успешен, а понекогаш не. Овесното брашно не содржи глутен и поради тоа е малку потешко за обработка. Но, ние не се откажуваме и тука сме да испробуваме различни рецепти и да креираме јадења за сечиј вкус. Така направивме безглутенски хроно тортиљи со овесно брашно и мелено ленено семе.
Која е тајната на совршената безглутенска тортиља? Одговорот се крие во меленото ленено семе од Фила. Пред скоро време си набавивме, а цената е многу пристапна. Истото може да го порачате преку онлајн продавницата на Фила или да го купите во поголемите маркети и продавници за здрава храна. Рецептот го испробавме повеќе пати, па еве да го споделиме и со вас. Сигурни сме дека најмногу ќе им се најде на лица кои имаат интолеранција на глутен, оние кои се на хроно исхрана, постат, се хранат здраво или се вегани.
Состојки:
- 2 полни лажици интегрално овесно брашно
- 1 лажица мелено ленено семе од Фила
- вода по потреба
- ладно цедено сончогледово масло од Фила по потреба.
Подготовка:
- Во сад ставете ги овесното брашно и меленото ленено семе. Измешајте ги со лажица. Потоа во садот додајте вода по потреба и мешајте. Потребно е да добиете каша, малку погуста од смесата за палачинки.
- На оган, на умерена температура ставете тавче за палачинки да се загрее. Во загреаното тавче додајте малку ладно цедено сончогледово масло. Потоа, ставете половина од смесата за тортиљите и внимателно распоредете ја низ целата тава.
- Тортиљата печете за време од 2 до 3 минути, а потоа превртете ја да се пече од другата страна. Постапката повторете ја и со преостаната смеса за тортиљи.
- Готовите тортиљи наполнете си со фил по желба, месо, млечен намаз, ајвар, хумус, зеленчук. Послужете ги додека се топли. На здравје!
Ви предлагаме да прочитате: Пикантни интегрални грицки со ленено семе и сусам.