Оваа е еден брзински, а ефектен рецепт. Станува збор за ладна салата со печурки, која одлично се вклопува во свечените трпези, а и секојдневно. Многу убаво се комбинира со тостиран и топол леб, а се јаде и посебно.
Нашата пријателка Лана постојано објавува нови и вкусни рецепти, а ние со задоволство ги споделуваме. Знаеме дека се вкусни и испробани, па препорачуваме да ја пробате и оваа салата!
Може да ве интересира: Крем салата со тартар сос и печурки.
Состојки:
- 400 гр шампињони
- 1 главица кромид
- 2 лажици маслиново масло
- 20 гр путер
- 2 чешниња лук
- сол и црн пипер по вкус
- 200 мл кисела павлака
- зелени зачини по вкус за додаток
- 2 поголеми краставици.
Подготовка:
- Шампињоните исчистете ги (најдобро со помош на сув сунѓер или четкичка, без миење) и тенко исечете ги .
- Кромидот исчистете го и исечете го на коцки. Во загреано масло пропржете го кромидот и малку посолете. Пржете на умерена температура, додека стане стаклест и провиѕирен.
- Додајте го и лукот и тоа пржете го несечкан, туку во чешне.
- Додајте ги шампињоните, зачините и продолжете со пржење.
- Кога целата течност ќе испари, а печурките се готови, тргнете ја тавата од оган, отстранете го чешнете лук и оставете да се излади содржината.
- За тоа време исечете ги краставиците на ситни коцки, а зелените зачини исто така.
- Во сад ставете ја киселата павлака, па додајте ги претходно исечканите краставици и зелените зачини. Промешајте за смесата да се соедини.
- На крај, додајте ги и пропржените печурки (исцедени од течност или можен вишок на масло). По потреба и желба додајте уште сол или зачини. Послужете ладно и на здравје!
Ви препорачуваме да прочитате: Салата од печурки и телешко.