Чај или кафе, за мезе или десерт, вкусните медени колачиња се секогаш добредојдени! Ние обожаваме едноставни рецепти и токму затоа со голема радост го споделуваме овој со вас. Одлични се!
Медените колачиња со фил од мармалад се убави за разни пригоди и посебно за секојдневно засладување. Може да бидат во форма на срца, празнични или било какви и да посакате. Денес да ги направиме!
Состојки:
- 2 јајца
- 2 лажици мед (полни)
- 90 гр шеќер
- 100 мл масло
- 1 кесичка ванилин шеќер
- 1 кесичка прашок за печиво
- 450 гр брашно
За фил:
- малку мармалад од кајсии или јагоди (по желба).
Подготовка:
- Во сад за месење ставете ги јајцата, медот и маслото, малку измешајте ги, па додајте ги и брашното, шеќерот, ванилиниот шеќер и печивото.
- Од состојките замесете тесто и направете топчина со големина на орев, а потоа ставајте ги на плех обложен со хартија.
- Со помош на мала ракиена чаша во средината направете вдлабнатина за филот.
- Ставете ги да се печат во претходно загреана рерна на 180 степени за време од 7-8 минути, а потоа извадете ги и во средината на секое колаче ставете по едно лажиче мармалад од кајсии или јагоди и повторно вратете ги да се допечат уште 5-6 минути.
- По желба можете да ги наросите со шеќер во прав.
Рецептот го испратил: Невена Ѓероска.
Ви препорачуваме да прочитате: Полнети медени чоколадни срца.