домашен мармалад од кајсии

Мармалад од кајсии без конзерванси

Сигурно ќе се согласите со нас дека домашниот мармалад од кајсии е еден од највкусните. Може да го намачкате на леб и да го јадете за појадок, а исто така е чест додаток во колачи и торти.

Една од најпознатите торти која се прави со мармалад од кајсии е Захер торта – најпознатата чоколадна торта од Виена, која може да ја испробате и во посна варијанта: Посен захер колач.

Ако оваа година планирате да направите мармалад од кајсии, а сакате истиот да не содржи конзерванси, за кои знаеме дека се штетни по здравјето, вашата потрага завршува тука.

мармалад од кајсии

Состојки:

  • 1 килограм кајсии
  • ½ чаша вода
  • 3 чаши шеќер
  • 2 лажици свежо цеден сок од лимон.

Подготовка:

  1. Загрејте ја рерната на 175 степени. Скршете ги семките од кајсиите и извадете го семето. Семките ставете ги во рерната и печете ги за време од 5 минути.
  2. Во длабок сад на оган, ставете ги сечканите кајсии и водата. Оставете ги да варат на средна температура. Намалете ја температурата, мешајте повремено, додека кајсиите омекнат за време од 20 минути.
  3. Варените кајсии ставете ги во блендер и миксирајте ги додека добиете пире. Доколку немате блендер на располагање, пасирајте ги со виљушка.
  4. Во длабок сад на оган ставете ги пирето од кајсии и шеќерот. Мешајте додека шеќерот се растопи. Оставете смесата да се вари на средна температура и често мешајте. Потоа намалете ја температурата и оставете мармаладот да се вари на тивко, а повремено мешајте. Варете додека мармаладот се згусти и ја задржува својата форма на лажицата. Во мармаладот додајте го лимоновиот сок и измешајте.
  5. Во меѓувреме подгответе ги теглите. Чистите тегли ставете ги кратко време во загреана рерна на 100 степени да се стерилизираат.
  6. На дното од секоја тегла ставете по една семка. Во топлите тегли, ставете од топлиот џем, а притоа внимавајте да нема воздушни меурчиња. Затворете ги теглите.
  7. Теглите завиткајте ги со стари весници, а потоа ставете ги во длабок сад на оган и прекријте ги со вода. Оставете водата да зоврие и варете околу 10 минути. Тргнете го садот од оган. По 5 минути, извадете ги теглите, оставете ги да се изладат и складирајте ги со останатата зимница. Оваа постапка со варење на теглите може да ја изоставите, а штом ги затворите теглите, едноставно свртете ги така што капакот да биде на долната страна. Свртените тегли оставете ги да се изладат.

Ви предлагаме да прочитате: Домашен пекмез од кајсии.

Сподели: