Уште веднаш да преминеме на главното, одговорот е „Да“, мусли за појадок е сепак добра идеја, а сега ќе позборуваме малку на таа тема.
Нутриционистите препорачуваат мусли за појадок бидејќи содржат сложени јаглени хидрати кои бавно се варат и го одржуваат стабилно нивото на шеќер во крвта, а со тоа и подолго се одржува чувството на ситост. Ако муслите содржат и јаткасто овошје ќе ни овозможат и квалитетни масти, а ако се јадат со соино млеко или јогурт како извор на протеини, ќе се добие скоро потполно избалансиран оброк кој му обезбедува на организмот се што е потребно за претстојниот ден.
Четириесетгодишното проучување за влијанието на појадокот врз здравјето кое било спроведено од група научници, покажало дека започнувањето на денот со појадок влијае благотворно за сите без обзир на старосната доба. „Утринскиот оброк е важен за секој орган. Оние кои го изоставаат појадокот често се чувствуваат уморни, немирни и раздразливи.“, вели Гејл Френк, нутриционист од Лос Анџелес. Освен што дава енергија, појадокот докажано влијае на одржување на телесната тежина, па и нејзино намалување, превенција од дијабетес, придонесува за подобро функционирање на умот и телото, како и го регулира чувството на глад во текот на денот.
При купувањето на муслите сите ги забележуваме некои состојки кои не би сакале да ги внесуваме, како што е бел шеќер, адитиви, вештачки вкусови и слично, но треба да имаме на ум дека и самите може да си направиме домашни мусли, а при тоа да користиме најквалитетни и по можност органски состојки (овесни, јачмени, ржани, пченични снегулки), мед, свежо овошје, соино мелко доколку не користите кравјо, јаткасти плодови кои не се солени, на пример лешници, бадеми и слично.
Така, ако сте одлучиле денот да го започнете со мусли од квалитетни состојки, сте направиле добар избор од нутритивен и здравствен аспект.
Ви препорачуваме да прочитате: Редовен здрав појадок е клучен во секоја возраст, а посебно за децата.