Ако имате желба да пробате нешто ново, ова е одлична прилика! Посебно може да ве интересира ако сте љубители на посната и вегетаријанската исхрана. Нешто ново и интересно кое ни доаѓа од кујната на Катерина. Да пробаме и ние да си направиме посен јогурт од сусам и лук!
Не е тешко и изгледа интересно. Напротив, лесно е и забавно. Ако го пробате рецептов, обавезно пишувајте ни како ви се допадна.
Состојки:
- 50 г сусам
- 300 мл ладна вода
- 1/2 свежо цеден сок од лимон
- 1 чешне лук
- прстофат хималајска сол.
Подготовка:
- Ставете го сусамот во сад со вода и оставете да отстои најмалку 5 часа.
- Потоа, убаво исплакнете го со вода.
- Исцедете го и ставете во блендер.
- Додајте ја водата, сокот од лимонот, лукот и солта.
- Изблендирајте. Смесата процедете ја и јогуртот е готов. На здравје!
Совети плус:
- За да добиете посен јогурт кој е што поосвежителен, водата нека биде што поладна.
- Ова доза е за полна чаша од 400 мл.
- Исто така, освен со сусам, посен јогурт може да направите и со сончоглед.
Ви препорачуваме да прочитате: Сусам – семе на младоста и борец против лошиот холестерол.
Рецептот го испратил: Катерина Милошевска Глигороска.